Kon pa Usa e Vidionan Tokante Kurso di Beibel

Nos tin kuater vidio tokante kurso di Beibel pa usa den sirbishi. Kiko ta e propósito di kada un di nan?

• 

  Dikon Analisá Loke Beibel Ta Bisa?—Vershon Kompleto. E propósito di e vidio akí ta pa lanta interes di hende den Beibel sin importá ki kreensia nan tin. E ta animá hende pa usa Beibel pa haña kontesta riba pregunta importante di bida i ta duna un ehèmpel di un kontesta lógiko ku tin den Beibel. Na final e ta splika kon bo por pidi pa un kurso di Beibel.

• 

  Dikon Analisá Loke Beibel Ta Bisa? (vershon kòrtiku). E vidio akí ta similar na e vidio vershon kompleto, pero e ta tres biaha mas kòrtiku. E por ta mas efektivo den teritorio kaminda hende no tin muchu tempu.

• 

  Kon un Kurso di Beibel Ta Bai? E propósito di e vidio akí ta pa lanta interes den nos kurso di Beibel grátis i pa kontestá algun pregunta ku hende por tin tokante dje, por ehèmpel, kon pa pidi pa un kurso di Beibel.

• 

  Bon Biní na Bo Kurso di Beibel. E propósito di e vidio akí ta pa laga un studiante di Beibel wak e. Aunke e vidio ta ser introdusí na página dos di e buki Bo Por Disfrutá di Bida pa Semper!, bo por us’é tambe ora bo ta trata e foyeto Bo Por Disfrutá di Bida pa Semper! E vidio ta resumí algun kos ku e studiante lo siña den e buki i ta splika kon e lèsnan lo bai.

Aunke kada vidio tin un propósito, nos por mustra òf manda kualke un di nan pa un persona ora esei ta apropiá. Lo ta bon pa tur publikadó familiarisá nan mes ku e vidionan akí i usa nan den sirbishi.