Konfia den Yehova ora un Hende Ta Tèr Bo

Ora un hende ta tèr (òf bully) nos, esei por laga nos sinti nos malu físikamente i emoshonalmente. Pero kiko si un hende oponé nos pasobra nos ta sirbi Yehova? Si nos laga nan intimidá nos, esei por asta afektá nos amistat ku Yehova. Kon bo por protehá bo mes di un hende ku ta tèr bo?

Hopi sirbidó fiel a konfia den Yehova pa nan por a dil ku hende ku ta tèr nan. (Sl 18:17) Por ehèmpel, Èster a revelá e plannan di e hòmber malbado Háman, ku tabata tèr hende. (Èst 7:​1-6) Promé ku Èster a hasi esei, el a yuna. Di e manera ei, el a mustra su konfiansa den Yehova. (Èst 4:​14-16) Yehova a bendishoná Èster i a protehá tantu Èster komo Su pueblo.

Hóbennan, si un hende ta tèr bo, pidi Yehova pa yudansa i papia ku un persona adulto, por ehèmpel bo mayornan. Bo por tin sigur ku Yehova lo yuda bo meskos ku el a yuda Èster. Kiko mas bo por hasi pa dil ku hende ku ta tèr bo?

WAK E VIDIO MI BIDA KOMO TINER—KIKO POR YUDA BO DIL KU BULLYING? I DESPUES KONTESTÁ E SIGUIENTE PREGUNTANAN:

• Kiko nos hóbennan por siña for di e ehèmpel di Charlie i Ferin?

  Bo kontesta

• Kiko nos mayornan por siña for di e komentarionan di Charlie i Ferin pa yuda nan yunan dil ku hende ku ta tèr (òf bully) nan?

  Bo kontesta