Lo Yega un Dia Ku Hende di Tur Rasa Lo Haña Mesun Trato?—Kiko Beibel Ta Bisa?

Awendia, hopi hende ta sufri pasobra nan ta ser diskriminá pa motibu di nan rasa.

• “Tur kaminda na mundu, den vários institushon, organisashon sosial i bida diario, bo ta mira rasgo di rasismo. Esei ta e kaso pasobra hende no ta trata hende di diferente rasa igual.”—António Guterres, Sekretario General di Nashonnan Uní.

Lo yega un dia ku hende di diferente rasa lo haña mesun trato? Kiko Beibel ta bisa?

Dios ke pa hende di diferente rasa haña trato igual?

Beibel ta mustra kon Dios ta pensa tokante hende di diferente rasa.

• “[Dios] a traha tur nashon, pa nan biba riba henter e superfisie di tera.”—Echonan 17:26.

• “Dios no ta hasi distinshon di persona . . . e ta aseptá tur hende di tur nashon ku ta tem’é i ku ta hasi loke ta korekto.”—Echonan 10:34, 35.

Beibel ta mustra ku tur hende ta famia di otro i ku Dios ta aseptá hende di tur rasa.

Kon igualdat rasial lo ser realisá?

E reino di Dios, esta, Dios su gobièrnu selestial, lo sòru pa hende di diferente rasa haña trato igual. E reino di Dios lo siña hende e maneranan korekto pa trata otro hende. Hende lo siña eliminá kualke sintimentu negativo ku nan lo por tin pa hende di otro rasa.

• “E habitantenan di mundu [lo] siña hustisia.”—Isaías 26:9.

• “Fruta di hustisia lo ta pas, i e resultado di hustisia lo ta kietut i konfiansa pa semper.”—Isaías 32:17.

Awe, Beibel ta siña miónes di hende kon pa trata otro hende ku rèspèt i dignidat.

• Pa haña sa mas tokante e tópiko akí, lesa e edishon di e revista Spièrta! ku tin komo tema: “Ta posibel pa Kaba ku Prehuisio?”

• Pa mira kon un mayor por papia ku su yunan tokante rasismo, lesa e artíkulo na spañó “Papia ku Bo Yunan Tokante Rasismo.”