BIBLIOTEKA ONLINE Watchtower
Watchtower
BIBLIOTEKA ONLINE
Papiamentu (Kòrsou)
  • BEIBEL
  • PUBLIKASHON
  • REUNION
  • mrt artíkulo 110
  • Yuda Otro Hende pa Bo Vense Soledat—Loke Beibel Ta Bisa

No tin vidio disponibel pa esaki.

Despensa, tin un problema pa habri e vidio.

  • Yuda Otro Hende pa Bo Vense Soledat—Loke Beibel Ta Bisa
  • Mas Tópiko
  • Suptema
  • Informashon Similar
  • Loke bo por hasi
  • Vense Soledat ku Amistat—Kon Beibel Por Yuda Bo?
    Mas Tópiko
  • Mas i Mas Hende Ta Sufri di Soledat—Loke Beibel Ta Bisa
    Mas Tópiko
  • Soledat—Un Epidemia Nobo—Kiko Por Yuda Bo?
    Mas Tópiko
  • No laga soledad ruiná bo bida
    E Toren di Vigilansia Anunsiando e Reino di Yehova Dios—1994
Mas Artíkulo
Mas Tópiko
mrt artíkulo 110
Dos hòmber di edat ta kana huntu riba un kaminda smal durante bahada di solo. Un di e hòmbernan tin su brasa riba e skouder di e otro hòmber.

BalanceFormcreative/iStock via Getty Images Plus

Yuda Otro Hende pa Bo Vense Soledat—Loke Beibel Ta Bisa

Hopi hende rònt mundu ta sinti nan so. Nan ta sinti ku nan no por sera amistat ku otro hende. Algun eksperto riba e tereno di salubridat ta kere ku un manera pa trata ku sintimentu asina ta di yuda otro hende.

  • “Ora nos ta yuda hende den nesesidat, nos ta haña propósito den bida. Ademas, hasiendo esei ta yuda nos evitá e tendensia di isolá nos mes i di sinti nos nos so.”—U.S. National Institutes of Health.

Beibel ta duna nos bon konseho tokante kon nos por yuda otro hende. Si nos apliká loke Beibel ta bisa, esei lo yuda nos bringa kontra e sintimentunan di soledat.

Loke bo por hasi

Sea generoso. Hasi esfuerso pa pasa tempu ku otro hende, spesialmente en persona. Sea dispuesto pa kompartí loke bo tin ku otro hende. Ora bo hasi esei, hende hopi biaha lo ta masha gradisidu na bo. Esei na su turno lo por yuda bo sera amistat ku otro hende.

  • Prinsipio di Beibel: “Kustumbrá duna, i hende lo duna boso.”—Lukas 6:38.

Usa bo energia pa yuda otro hende. Pensa kon lo bo por yuda hende ku ta pasando den situashon difísil. Esei por enserá ku bo tin ku skucha nan ku atenshon òf ku bo ta yuda nan ku algun diligensia òf trabou. Hasiendo e kosnan ei, bo ta hasi nan bida un poko mas fásil.

  • Prinsipio di Beibel: “Un berdadero amigu ta stima semper; e ta un ruman ku bo por konta kuné den tempu difísil.”—Proverbionan 17:17.

Pa haña sa mas tokante kon bo por keda ku un bon amistat ku otro hende, lesa e artíkulo “Bida di Famia i Amistat ku Otro Hende.”

Bo ta invitá

Testigunan di Yehova ta reuní huntu dos biaha pa siman pa fortalesé nan amistat ku nan Kreador i ku hende den nan komunidat. Nos lo keda masha kontentu si bo djòin nos.

  • Buska e reunion mas serka di bo.

  • Pidi un bishita.

    Publikashonnan na Papiamentu (Curaçao) (1986-2025)
    Log Out
    Log In
    • Papiamentu (Kòrsou)
    • Kompartí
    • Preferensia
    • Copyright © 2025 Watch Tower Bible and Tract Society of Pennsylvania
    • Kondishonnan di Uso
    • Maneho di Privasidat
    • Konfigurashon di Privasidat
    • JW.ORG
    • Log In
    Kompartí