Dikon Testigunan di Yehova Ta Bishitá Hende Ku Tin Nan Religion Kaba?

Nos a ripará ku hopi hende ku tin un religion kaba ta gusta kòmbersá riba temanan bíbliko. Klaru ku nos ta respetá un persona su derecho di tin su mes kreensia, i nos no ta fòrsa ningun hende pa aseptá nos mensahe.

Ora nos ta papia tokante religion, nos ta trata di apliká e konseho di Beibel pa hasi esaki na un “manera suave” i ku “rèspèt profundo.” (1 Pedro 3:15) Nos sa ku algun hende lo rechasá nos mensahe. (Mateo 10:14) Ma ta te ora nos papia ku un hende, nos lo sa kon e lo reakshoná. Nos ta konsiente tambe ku sirkunstansia di hende sa kambia.

Por ehèmpel, un persona por ta muchu okupá pa papia ku nos awe, pero lo ta kontentu pa kòmbersá ku nos un otro dia. Ademas hende lo por haña nan mes ku problema òf situashon nobo den bida ku ta lanta nan interes den e mensahe di Beibel. P’esei nos ta purba papia ku hende na mas ku un okashon.