Bo Por Keda Traha un Tiki Mas?

Algun publikadó tin e kustumber di traha den sirbishi te na sierto ora, kisas te banda di 12 or di mèrdia. Ta di komprondé ku e sirkunstansianan personal di algun ruman ta pone ku nan no por sigui traha den sirbishi despues di sierto ora. Pero abo ta stòp di prediká un sierto ora djis pasobra otro ruman den e grupo no ta sigui traha, òf pasobra esei ta e kustumber den bo área? Bo por traha un par di minüt mas kisas predikando públikamente? Bo por hasi un par di rebishita promé ku bo bai kas? Pensa riba kuantu bon kos bo ta logra si bo topa maske ta ún persona interesá òf laga un par di revista ku un hende riba kaya. Si nos keda traha un par di minüt mas den sirbishi, nos ta oumentá nos “sakrifisio di alabansa.”—Heb. 13:15.