Duna Nos Invitadonan un Bonbiní

Nos ta antisipá ku riba djárason 23 di mart mas o ménos 12 mion bishitante lo asistí na Memorial. Ta sigur ku nan lo haña un tremendo testimonio ora e oradó papia tokante e regalo ku Yehova a duna humanidat mediante e reskate i algun di e futuro bendishonnan ku nos lo disfrutá di dje. (Isa 11:6-9; 35:5, 6; 65:21-23; Hua 3:16) Pero, no ta e oradó so lo duna testimonio na e okashon spesial akí. Nos tur lo tin oportunidat di duna nos invitadonan un kaluroso bonbiní. (Rom 15:7) Wak algun manera ku kada un di nos por hasi esei.

• En bes di sinta warda e programa kuminsá, kumindá e invitadonan i publikadónan inaktivo ku un sonrisa amigabel i duna nan un bonbiní

• Duna atenshon spesial na bo invitadonan, pero sea atento tambe pa personanan ku lo bini debí ku nan a haña un invitashon di e kampaña. Invitá esnan nobo pa sinta banda di bo i laga nan wak huntu ku bo den bo Beibel i buki di kantika

• Despues di e diskurso, ofresé pa kontestá kualke pregunta ku un persona por tin. Si bo kongregashon tin ku sali lihé pa un otro kongregashon por reuní, traha un afsprak pa sigui papia kuné un otro dia. Si bo no tin su datonan personal bo por bis’é: “Mi tin gana di sa kon bo a haña e informashon. Tin un manera ku mi por tuma kontakto ku bo?”