Ken Realmente Ta Goberná Mundu?

LOKE BEIBEL TA BISA

“Henter mundu ta den poder di e Malbado.”​—1 Huan 5:19, Tradukshon di Mundu Nobo.

“Ta pa destruí diabel su obranan mes Hesus a bini.”​—1 Huan 3:8, Beibel na papiamentu koriente.

KIKO ESAKI POR NIFIKÁ PA NOS?

Un splikashon lógiko pa e problemanan di mundu.—Revelashon 12:12.

Un motibu pa kere ku nos mundu lo kambia i bira mihó.​—1 Huan 2:17.

DI BÈRDAT NOS POR KERE LOKE BEIBEL TA BISA?

Sí, i nos tin por lo ménos tres motibu pa esei:

• E dianan di Satanas su gobièrnu ta kontá. Yehova ta determiná pa pone un fin na e dominio ku Satanas tin riba humanidat. El a primintí ku lo e “kaba ku . . . Diabel” i ku lo e drecha tur e daño ku Satanas a kousa.​—Hebreonan 2:14.

• Dios a skohe Hesukristu pa goberná mundu. Hesus no ta un lider kruel ni egoista manera e gobernante di e mundu akí. Al kontrario, relashoná ku Hesus su gobernashon, Dios a primintí ku Hesus ‘lo tin kompashon di e pober i di esun den nesesidat i ku lo e reskatá nan bida for di opreshon i violensia.’​—Salmo 72:13, 14, Beibel Santu.

• Dios no por gaña. Beibel ta bisa bon kla ku “ta imposibel pa Dios gaña.” (Hebreonan 6:18) Ora Yehova primintí algu, ta komo si fuera el a kumpli kuné kaba! (Isaías 55:10, 11) Pues, Dios ‘lo saka e gobernante di e mundu akí afó.’​—Huan 12:31.