E Mundu di e Patriarkanan
ESTEBAN a kuminsá su famoso diskurso menshonando algun sitio geográfiko ku di bèrdat a eksistí: “[Yehova] a paresé na nos tata Abraham, tempu ku e tabata na Mesopotamia, promé ku el a bai biba na Haran, i el a bis’é: ‘Sali . . . bin na e tera ku ami lo mustra bo.’” (Echo. 7:1-4) E òrdu aki a hiba na algun suseso krusial den e Tera Primintí ku tabatin di haber ku Abraham, Isaak i Jakòb. E susesonan aki tabata relashoná ku e propósito di Dios pa bendishoná humanidat.—Gén. 12:1-3; Jos. 24:3.
Dios a yama Abraham (òf, Abram) for di Ur di Kaldea, un stat próspero ku e tempu ei tabata situá n’e oriya ost di Riu Eufrates. Ki ruta Abraham lo a kohe? Por a parse masha fásil pa sali for di Kaldea, un region ku yama Sumer òf Sinar tambe, i kohe direkshon wèst mesora. Pakiko bai te ariba aya na Haran?
Ur tabata situá na rant di e parti ost di e Kresiente Fértil, un área den forma di un medio sírkulo ku ta ekstendé for di Palestina te na e kuenka (bekken) di e riunan Tigris i Eufrates. Talbes den pasado e área aki tabatin un klima mas suave. Zùit di e área di e kresiente tin e Desierto Siro-Árabe, karakterisá pa serunan di kalki i sabana di santu. The Encyclopædia Britannica ta bisa ku e desierto ei tabata “un barera kasi impenetrabel” entre e Kosta Mediteráneo i Mesopotamia. Algun karavana kisas ta krus’é for di Eufrates pa Tadmor i sigui despues pa Damasko, pero Abraham sí no a pasa ku su famia i tou di bestia dor di e desierto ei.
Mas bien, Abraham a kohe direkshon nort dor di e vaye di Riu Eufrates rumbo pa Haran. For di ei e por a sigui un ruta komersial pa Karkemis, krusa riu kaminda awa no ta hundu, anto baha den direkshon zùit via Damasko. Djei el a sigui pa loke despues nan a yama Laman di Galilea. E Via Maris, òf “Kaminda di Laman,” tabata kore via Meguido i sigui te Egipto. Sin embargo, Abraham a pasa dor di e serunan di Samaria, pa finalmente keda biba den tènt na Sikem. Despues di tempu el a kontinuá su biahe pa zùit, pasando dor di regionnan di seru. Sigui su ruta riba mapa segun ku bo ta lesa Génesis 12:8–13:4. Tuma nota di e hopi otro lugánan ku tambe el a pasa, manera Dan, Damasko, Hoba, Mamre, Sodoma, Gerar, Beerseba i Moria (Yerusalèm).—Gén. 14:14-16; 18:1-16; 20:1-18; 21:25-34; 22:1-19.
Un poko konosementu di e geografia dje tempu ei ta yuda nos komprondé mihó e susesonan ku a tuma lugá den bida di Isaak i Jakòb. Por ehèmpel, tempu ku Abraham tabata na Beerseba, unda el a manda su sirbidó bai buska un esposa pa Isaak? Esei tabata te ariba aya na Mesopotamia (ku ta nifiká, “E Tera Meimei di Riunan”) den e region di Padan-aram. Anto imaginá e biahe difísil ku Rebeka mester a hasi riba kamel pa yega Negèv, talbes serka di Kades, p’e topa Isaak.—Gén. 24:10, 62-64.
Mas despues nan yu hòmber Jakòb (Israel) tambe a hasi un biahe largu asina p’e bai kasa ku un adoradó di Yehova. Ora Jakòb a bai su tera bèk, e sí a skohe un ruta un poko diferente. Despues ku el a krusa e vaye di Jabòk banda di Penuel, Jakòb a lucha ku un angel. (Gén. 31:21-25; 32:2, 22-30) Esau a top’é den e área ei, i despues kada un a bai biba den un region diferente.—Gén. 33:1, 15-20.
Despues ku Jakòb su yu muhé Dina a ser violá na Sikem, Jakòb a bai biba na Bèt-èl. Pero bo por imaginá kon leu e yu hòmbernan di Jakòb a bai buska yerba pa su bestianan i unda Hosé a haña nan despues? E mapa aki (i página 18-19) por yuda bo mira e distansia entre Bèt-èl i Dotan. (Gén. 35:1-8; 37:12-17) E rumannan di Hosé a bend’é ku komersiantenan ku tabata bayendo Egipto. E suseso ei a habri kaminda p’e israelitanan bai biba na Egipto, i pa e éksodo masal ku a sigui despues. Pero ki ruta bo ta kere e komersiantenan a tuma?—Gén. 37:25-28.
[Mapanan na página 7]
(Pa e teksto den su formato kompleto, wak e publikashon)
E Biahenan di Abraham (Wak e publikashon)
E Biahenan di Isaak (Wak e publikashon)
E Biahenan di Jakòb (Wak e publikashon)
Kamindanan Prinsipal (Wak e publikashon)
Mundu di e Patriarkanan (bista general)
A4 GOSEN
A5 EGIPTO
B4 SHUR
B5 PARAN
C3 Damasko
C3 Dan (Lais)
C4 Sikem
C4 Bèt-èl
C4 Hebròn (Kiriat-arba)
C4 Gerar
C4 Beerseba
C4 SEIR
C4 Kades
C5 EDÒM
D1 Karkemis
D2 Tadmor
D3 Hoba
E1 PADAN-ARAM
E1 Haran
F2 MESOPOTAMIA
G1 Nínive
G2 KRESIENTE FÉRTIL
G3 Babilonia
H4 KALDEA
H4 Ur
[Seru]
C4 Moria
[Laman]
B3 Laman Mediteráneo (Laman Grandi)
[Riu]
E2 Eufrates
G2 Tigris
Mundu di e Patriarkanan (den e Tera Primintí)
KÁNAAN
Meguido
GALAAD
Dotan
Sikem
Sukot
Mahanaim
Penuel
Bèt-èl (Luz)
Ai
Yerusalèm (Salèm)
Bètlehèm (Efrata)
Mamre
Hebròn (Makpela)
Gerar
Beerseba
Sodoma?
NEGÈV
Rehobot?
Beer-lahai-roi
Kades
Kamindanan Prinsipal
Via Maris
Kaminda Grandi di Rei
[Seru]
Moria
[Laman]
Laman Salu
[Riu i roi]
Jabòk
Hordan
[Plachi na página 6]
Riu Eufrates banda di Babilonia
[Plachi na página 6]
Abraham a biba na Beerseba i a laga su bestianan kome yerba den e region ei
[Plachi na página 6]
Vaye di Jabòk