Imperionan Ta Ataká e Tera Primintí
NA AÑA 740 promé ku era komun (P.E.K.), e asirionan a kapturá Samaria, kapital di e reino nort di Israel. Asina e israelitanan a kai den man di un imperio kruel. Asiria tabata situá den e parti nort di e sabananan di Mesopotamia, serka di Tigris, un di e riunan grandi di e Kresiente Fértil. Nimròd a funda Nínive i Kala, e statnan prinsipal di Asiria. (Gén. 10:8-12) Den e tempu di Salmanasar III, Asiria a krese den direkshon wèst i yega te n’e regionnan fértil i di hopi awa di Siria i nort di Israel.
Bou di Rei Tiglat-pileser III (Pul), menshoná den Beibel, Asiria a kuminsá oprimí Israel. Su kampaña militar a afektá Huda tambe den parti zùit. (2 Rei. 15:19; 16:5-18) Ku tempu, e “awanan” inundante di Asiria a plama drenta Huda, i yega despues te na su kapital, Yerusalèm.—Isa. 8:5-8.
E rei asirio Senakerib a invadí Huda na aña 732 P.E.K. (2 Rei. 18:13, 14) El a sakia (plùnder) 46 stat di Huda, entre kua Lakis, ku tabata situá stratégikamente den Shefela. Manera e mapa ta mustra, su ehérsito a marcha bai zùitwèst di Yerusalèm i rondoná e kapital di Huda. Den su registronan, Senakerib a gaba kon el a sera Ezekias “manera un para den un kouchi.” Pero e registronan asirio no ta menshoná sí kon e angel di Dios a destruí e sòldánan di Senakerib.—2 Rei. 18:17-36; 19:35-37.
E dianan dje Imperio Asirio tabata kontá. E medonan ku tabata okupá prinsipalmente e meseta (plateau) yen di seru di loke awendia ta Iran, a kuminsá bringa kontra loke a sobra di e ehérsito asirio. Esaki a desviá Asiria su atenshon for di su provinsianan wèst, ku tambe a kuminsá rebeldiá. Miéntras tantu, e babilonionan tabata birando mas i mas fuerte, i asta nan a kapturá e stat di Asur. Na 632 P.E.K., Nínive—un “stat di dramamentu di sanger”—a kai den man di un aliansa entre e babilonionan, e medonan i e skitanan, un pueblo guerero ku ta bini di nort di Laman Pretu. Esaki a kumpli ku e profesianan di Nahum i Sofonias.—Nah. 3:1, NW; Sof. 2:13.
Asiria a hala su último rosea na Haran. Ora nan a ser ataká dor di un ehérsito babilóniko desididu, e asirionan a purba resistí miéntras nan tabata warda riba yudansa di Egipto. Pero Fárao Nekao a tarda pasobra riba kaminda pa nort, na Meguido, Rei Josias di Huda a lanta kontra dje i strob’é. (2 Rei. 23:29) Ora ku por fin Nekao a yega Haran, tabata demasiado lat: e Imperio Asirio a kai.
Imperio Babilóniko
Riba kua stat bo ta pensa ora bo tende e ekspreshon “hardin ku ta kologá”? Babilonia, kapital di e imperio mundial ku tin e mesun nòmber ei i ku Daniel a deskribí profétikamente komo un leon ku hala. (Dan. 7:4) E stat tabata bon konosí pa su rikesa, komersio i desaroyo di religion i astrologia. E imperio tabata situá den e sabananan di moeras den zùit di Mesopotamia, entre Riu Tigris i Eufrates. Riu Eufrates tabata pasa duars dor di e stat, i su murayanan a pon’é parse kasi impenetrabel.
E babilonionan a desaroyá rutanan komersial dor di e desierto yen di baranka di Arabia. Tabatin un tempu ku Rei Nabonido a bai biba na Tema i a laga Belsasar goberná Babilonia.
Babilonia a invadí Kánaan tres biaha. Despues ku Nabukodonosor a derotá e egipsionan na Karkemis na 625 P.E.K., e babilonionan a bai zùit rumbo pa Hamat, kaminda atrobe nan a derotá e egipsionan ku tabata batiendo retirada. Despues e babilonionan a baha kant’i kosta yega te n’e vaye di Egipto. Na kaminda, nan a ruiná Askalon. (2 Rei. 24:7; Jer. 47:5-7) Durante e kampaña aki, Huda a bin kai bou di dominio di Babilonia.—2 Rei. 24:1.
Na aña 618 P.E.K., Rei Joakim di Huda a rebelá. E ora ei Babilonia a manda e ehérsitonan di e nashonnan den serkania kontra Huda, i e trupanan di Babilonia mes a sitia Yerusalèm i a domin’é. No muchu tempu despues, Rei Sedekias a hasi su reino aliado di Egipto, i esei a pone e babilonionan bira sumamente furioso kontra Huda. Atrobe nan a invadí Huda i a kuminsá destruí su statnan. (Jer. 34:7) Finalmente, Nabukodonosor a dirigí su ehérsito kontra Yerusalèm i a konkista esaki na 607 P.E.K.—2 Kró. 36:17-21; Jer. 39:10.
[Kuadro na página 23]
BUKINAN DI BEIBEL SKIRBÍ DURANTE E PERIODO AKI:
Oseas
Isaias
Mikeas
Proverbionan (parti di dje)
Sofonias
Nahum
Habakuk
Lamentashonnan
Abdias
Ezekiel
1 i 2 Reinan
Jeremias
[Mapa na página 23]
(Pa e teksto den su formato kompleto, wak e publikashon)
Imperio di Babilonia/Asiria
Imperio di Asiria
B4 Menfis (Nof)
B4 Zoan
B5 EGIPTO
C2 CYPRUS (KITIM)
C3 Sidon
C3 Tiro
C3 Meguido
C3 Samaria
C4 Yerusalèm
C4 Askalon
C4 Lakis
D2 Haran
D2 Karkemis
D2 Arfad
D2 Hamat
D3 Ribla
D3 SIRIA
D3 Damasko
E2 Gozan
E2 MESOPOTAMIA
F2 MINI
F2 ASIRIA
F2 Khorsabad
F2 Nínive
F2 Kala
F2 Asur
F3 BABILONIA
F3 Babilonia
F4 KALDEA
F4 Erek
F4 Ur
G3 Susa
G4 ELAM
Imperio di Babilonia
C3 Sidon
C3 Tiro
C3 Meguido
C3 Samaria
C4 Yerusalèm
C4 Askalon
C4 Lakis
D2 Haran
D2 Karkemis
D2 Arfad
D2 Hamat
D3 Ribla
D3 SIRIA
D3 Damasko
D5 Tema
E2 Gozan
E2 MESOPOTAMIA
E4 ARABIA
F2 MINI
F2 ASIRIA
F2 Khorsabad
F2 Nínive
F2 kala
F2 Asur
F3 BABILONIA
F3 Babilonia
F4 KALDEA
F4 Erek
F4 Ur
G3 Susa
G4 ELAM
[Otro lugánan]
G2 MEDIA
Kamindanan Prinsipal (Wak e publikashon)
[Laman]
B3 Laman Mediteráneo (Laman Grandi)
C5 Laman Kòrá
H1 Laman Kaspio
H5 Golfo Pérsiko
[Riu]
B5 Neil
E2 Eufrates
F3 Tigris
[Plachi na página 22]
Tell Lakis
[Plachi na página 22]
Modelo miniatura di Meguido di antigwedat
[Plachi na página 23]
Konsepto di Babilonia su hardinnan ku ta kologá