Algun Sugerensia

Pa e Kampaña di Konmemorashon

“Nos ta invitando hende pa un okashon masha importante. Dia 14 di aprel, miónes di hende rònt mundu lo reuní pa konmemorá e morto di Hesukristu i skucha un diskurso basá riba Beibel ku ta splika kon e morto di Hesus ta benefisiá nos. E invitashon akí ta indiká e sitio i ora ku e reunion lo tuma lugá.”

E Toren di Vigilansia 1 di Aprel

“Nos ta bishitá bo un ratu asina pa papia tokante algu ku hopi hende tin en komun. Kasi tur hende, sin importá nan religion, ta hasi orashon. Bo ta kere ku Dios ta kontestá orashon, òf bo ta kere ku hende ta hasi orashon djis pa sinti nan un poko mas trankil? [Permití e persona kontestá.] Tuma nota di loke Beibel ta bisa tokante orashon. [Lesa 1 Huan 5:14.] E revista akí ta splika kon orashon ta yuda nos.”

¡Despertad! Aprel

“Nos a bini pa ofresé yudansa pa trata ku un problema ku ta birando dia pa dia mas komun. Tin hende ta sinti ku nan no por soportá nan problemanan mas, i nan a yega asina leu di pensa riba suisidio. Bo ta kere ku un hende den un situashon asina di bèrdat tin gana di muri, òf mas bien lo e ke un alivio pa su situashon? [Permití e persona kontestá.] Loke a yuda hopi hende keda ku un punto di bista positivo ta loke Beibel ta primintí aki. [Lesa Revelashon 21:3, 4.] E revista akí ta duna tres bon motibu pakiko un hende lo ke sigui biba apesar di e problemanan ku e ta enfrentando.”