Dios Ta Interesá den Bo!
BEIBEL ta duna nos e mihó konseho posibel, pasobra e ta Dios su palabra. E no ta un buki di kuido médiko, pero e por yuda nos den vários manera práktiko pa trata ku sirkunstansia difísil, pensamentu negativo, kos ku ta hasi nos tristu i problema di salú físiko i mental.
Pero, loke ta mas importante ta ku Beibel ta sigurá nos ku nos Kreador, Yehova Dios,a ta komprondé nos pensamentu- i sintimentunan mihó ku kualke otro persona. E ta kla pa yuda nos ku kualke problema ku nos enfrentá. Tuma por ehèmpel dos teksto di Beibel ku ta duna nos konsuelo:
“Yehova ta serka di hende ku tin kurason kibrá; e ta salba hende ku ta desanimá.”—SALMO 34:18.
“Ami ta SEÑOR [Yehova] bo Dios, kende ta sostené bo man drechi, kende ta bisa bo: ‘No tene miedu, lo mi yuda bo.’”—ISAÍAS 41:13.
Pero kon Yehova ta yuda nos trata ku problema di salú mental? Manera lo bo mira den e siguiente artíkulonan, Yehova ta demostrá den vários manera práktiko ku e ta interesá den nos.
a Beibel ta bisa ku Dios su nòmber ta Yehova.—Salmo 83:18.