Guera Ta Horibel
Guera ta un di e kosnan ku ta kousa mas tantu daño na hende. Tur hende ku a pasa den guera sa kon teribel esei ta. Ban wak ki efekto guera por tin tantu riba sòldá komo riba siudadano.
SÒLDÁ
“Bo ta mira hende rònt di bo ta keda gravemente heridá òf ta ser matá. Niun ratu bo no ta sinti bo safe.”—Gary, Gran Bretaña.
“Nan a tira mi den mi lomba i den mi kara. I tambe mi a mira kon nan a mata mucha i hende di edat. Guera ta hasi bo kurason duru.”—Wilmar, Colombia.
“Ora nan tira un hende mata bo dilanti, bo no ta lubidá esei nunka mas. Den bo mente, bo ta keda tende su gritunan i mira su sufrimentu.”—Zafirah, Merka.
SIUDADANO
“Mi a sinti ku nunka mas lo mi por ta felis. Bo ta teme pa bo bida, i pió ainda, bo ta teme pa bida di bo famia i di bo amigunan.”—Oleksandra, Ukrania.
“Nos tabata morto spantá ora nos mester a para pa mas ku 20 ora den rei pa nos haña kuminda, pasobra e chèns tabata grandi ku nos lo por a ser alkansá pa un bala pèrdí.”—Daler, Tadjikistan.
“Mi mayornan a muri pa motibu di guera. Pues, mi a bira un huérfano i no tabatin ningun hende pa kuida mi ni konsolá mi.”—Marie, Ruanda.
Aunke guera tabatin un efekto teribel riba e hendenan menshoná den e artíkulo akí, nan tur a haña konsuelo. I nan ta konvensí ku pronto lo no tin guera mas. Den e edishon akí di E Toren di Vigilansia, nos lo usa Beibel pa splika kon esei lo sosodé.