Ngsebechem el Komengetii a Temem el Oldingel?

Te ngar er ngii a rechad el di mo merek el oldingel er a ulterekokl el taem el uai sel lesueleb. Nguaisei, a rebebil a mo merek el oldingel er a ulterekokl el taem e le ngblekerdelel a klengar er tir a uchul. Engdi kau ke mo merek el oldingel e le rebebil el ngar er a group er kau a meruul el uaisei? Ke meruul er tiang e le ngua lebla bo el siukang er a basio el mkiei er ngii? Ngsebechem el komengetii a temem el oldingel e mo ousioning er a buai el uai sel moldingel er a tkul a rael? Ngsebechem el mo oldingel er tirke el semeriar sel omngar er a omerollem el mo remei? Ka di molatk er a ungil el tekoi el sebechem el kutmeklii a lsekum e ke metik er a chad el semeriar el ngar er a blil me a lechub e ngmle sebechem el remous a magazine el mo er a chad el merael. A lsekum e ngdiak el kired el mo merek el oldingel er a ulterekokl el taem, e ngsebeched el komengetii a temed el oldingel, e tiang a ta er a rolel a donglou a “tenget er odanges” er kid el mo er a Jehovah.​—Heb 13:15.