A Ureor el Mo Ouchais el Kirel a Chedaol Blsoil a Mo Omuchel er a March 22

Chelecha el rak e a ureor el mo mengemedaol er a rechad el mei er a Chedaol Blsoil a mo omuchel er a Saturday, el March 22. A rokui el chad a ongtiall el mo teloi er a omerusel tia el babier. Sel Sebadong me a Sandei e kede dirrek el mo merous a beches el magazine a lsekum e ngdi ungil. E sel kot el Sebadong er a April, e kede mo melemolem er a omerusel a invitation er a bai domuchel a omesubel a Biblia. Me nguaisei, engdi a lsekum e kede mengedecheduch er a chad el kmal semeriar, e ngsebeched el melasem el omuchel a omesubel a Biblia. Ngike el odam el oungerachel a tekoi er a odingel a obliil a sebechel el mesa el kmo a lorous a invitation el ngar er a buai ngosuir a ongdibel er ngii el mo mengedecheduch er a rebetok el chad me a lechub e ngdiak. Mluches a ngklir a rechedam, rechad er a urerem, rechad el mdak el ngar er a skuul, tirke el semeriar el mluut el mo oldingel er tir me a rekuk bebil er a rechad el soam el mengemedaol er tir, e besterir a invitation sel lomuchel tia el ureor. Kede oureng el kmo a rebetok el chad a me teloi er kid el mo melatk el kirel aika el eru el meklou el olechotel a bltikerreng.​​—Jn. 3:​16; 15:13.