Ungil el Usbechel Aike el Babier el Mlengai er a Biblia

A Jesus a ullisechakl el kmo: “Ng dimlak momechar a ikel ilekor kemiu, me lak bo locheraol a cho momesterir a re chad.” (Mt 10:8) Kede oltirakl er tia el ulekrael a uchul me a Biblia me a lechub e ngbabier el mlengai er a Biblia el domesterir a rechad a diak locheraol. (2Ko 2:17) Nguaisei, engdi aika ngar er ngii a mekreos el klemerang er a Biblia er a chelsel. Me ngklou el ureor me a udoud a mechoit el kirel me lemeketmokl e lemodurokl el mo er aike el blil a ongdibel er a beluulechad el rokir. Sei a uchul me ngkired el di melai aike el dousbech.

Moba sekutaberreng sel morous a babier me a dirrek sel mousioning er a buai. (Mt 7:6) Mongedecheduch er a chad el mo medengei el kmo ngsemeriar er a uchei er a omomsa babier. Ngsebechem el mo onger el kmo choi er a ta er a aike el ker el ngar er a baks? A lemeringel er kau a mo medengei el kmo a chad a semeriar, e ngungil a di bsa tract. Engdi a lolengit er a ta er a babilenged, e ngsebechem el nguu el msang.​—Osi 3:27, 28.