Chelitakl er a Renged a Meskid a Blekeu

A Paulus me a Silas a milengitakl el oldanges er a Dios er a lekelebus. (Rel 16:25) Ngar er a taem er kid, e a rekldemed er a klaumerang a dirrek el milengitakl a chelitakl er a Renged er a lekelebus er a Sachsenhausen er a beluu er a Dois me sera lemodik el mo er a beluu er a Siberia. Aika olecholt el kmo, a chelitakl a sebechel el mesterir a Rekristiano el chelebangel a ringel a blekeu el mo outekangel.

Ngdi kmedung e ngmo er ngii a beches el blil a chelitakl el dai er ngii a “Sing Out Joyfully” to Jehovah el ngar er a betok el omelekoi. Me sel denguu a babilenged, e ngsebeched el mengitakl er a temel a omengull el telungalek me bo dungil el medengei a tekoi er a chelsel. (Efe 5:19) E a chedaol reng a mo ngosukid el mo lmatk aika el chelitakl sel bo dechelebangel a ringel. Aika sebechel ngosukid el mo melisiich er a omeltked. Ngdirrek el sebechel el meskid a blekeu sel dechelebangel a ringel. Me alta ngdiak dechelebangel a ringel, engdi a ungil tekoi er aika el chelitakl a rullid me ngdmeu a rengud el mengitakl e le ngmelisiich er kid me kede melemolem el dmeu a rengud. (1Kr 15:16; Psa 33:1-3) Me bo dungil el ousbech aika el chelitakl er a Renged!

MOMES ER A VIDEO EL A SONG THAT INSPIRED LABORERS, E MONGER AIKA EL KER:

• Ngera uchul me a Brother Frost a dilebechii a ta el chelitakl?

• Ngmilekerang tia el chelitakl e melisiich er tirke el rudam el mle kelebus er a Sachsenhausen?

• A chelitakl er a Renged ngsebechel smisichau er a chelsel a ngera el blekeradel?

• Ngera el chelitakl er a Renged a soam el mo ungil medengei?