A Rolel a Domuchel a Cheldechedechad

●○○ SEL DEKOT EL MENGEDECHEDUCH ER A CHAD

Ker: Ngdirk ngar er ngii a usbechel a Biblia er chelecha el sils?

Bades: 2Ti 3:16

Sel Deluut el Mong: Ngerang a klumech er a Biblia?

○●○ A KOT EL TAEM EL BO DOLDINGEL ER A CHAD EL SEMERIAR

Ker: Ngerang a klumech er a Biblia?

Bades: Mt 6:10

Sel Deluut el Mong: Ngera ngmo meruul a Rengedel a Dios?

○○● A ONGERU EL TAEM EL BO DOLDINGEL ER A CHAD EL SEMERIAR

Ker: Ngera ngmo meruul a Rengedel a Dios?

Bades: Dan 2:44

Sel Deluut el Mong: Tia ngera ngmo rullii er tia el chutem?

Ngomuchel er chelecha el buil, e a miting er a Ongeua el Ureor a diak bo lolecholt a edei el kakerous el rolel a domuchel a cheldechedechad. A Subeled er a Miting er a Klengar er Kid me a Omesiunged a mo olecholt a rolel a domuchel a cheldechedechad el ousbech a ker, me a bades, me a lmuut el ta er a ker el debecherei me bo el sebeched el mo onger er ngii sel deluut el mo oldingel er ngii el chad. Ngdi mo chimo video el kirel a rolel a domuchel a cheldechedechad a bo dorrael er ngii er a bek el sandei. A derta el publisher a sebechel di ngii el ngiltii a babier el bo lousbech er ngii me a temel a bo losaod er ngii, el sel sebechel sel lekot el mengedecheduch er a chad me a lechub e sel lluut el mo oldingel er ngii. Tia el subeled er a miting a dirrek el mo olecholt a eru el rolel e ngsebeched el lmuut el mo oldingel er a chad. Tiang a mo ngosukid el otutii a turrekong er kid el soad el olisechakl er ‘tirikel rokui el mo kirir el mo nguu a diak a ullebengelel klengar.’—Rel 13:48, BT.

Subelir a Rengalek er a Skuul: A lak a ngodech el ulekrael, e a rengalek er a skuul a kirir el oltirakl aike el rolel a domuchel a cheldechedechad.