5 el Suobel

A Resechelil A Dios A Mo Kiei Er A Paradis

A paradis a diak bo leua tia el beluulechad el dekiei er ngii er a chelechang. A Dios a dimlak el soal tia el chutem a bo lemui er a mondai ma klengiterreng, ma ringel ma ongarm. A ngar er a medad el klebesei, e a Dios a mo meruul er tia el chutem el mo paradis. Ngmo ua ngerang a Paradis? Ka hall e bo domes el kmo ngera kmu Biblia el kirel:

A rungil el chad. A paradis a mo delengcheklir a resechelil a Dios. Te mo ungil el kaingeseu. Te mo kiei el oltirakl er a melemalt el rolel a Dios.—Osisechakl 2:21.

Kekuii er a kall. Ngar er a Paradis, e ngmo diak a klengerenger. A Biblia a melekoi el kmo: “Bo le kekeuii ra kokumots [ma lechub, e ngkall] el ngara beluu.”—Psalm 72:16.

A ungil el blai ma ureor. Ngar er a Paradis el chutem, e a bek el telungalek a mo er ngii a blirir. A rebek el chad a mo meruul a ureor el mo uchul a mera el deurreng.—Isaia 65:21-23.

Budech er a beluulechad el rokir. Ngmo diak a chad el mo oumekemad e mad er a mekemad. A Tekingel a Dios a melekoi el kmo: “[A Dios a mo] merrob a mekemad ra belulechad el rokir.”—Psalm 46:8, 9.

A ungil el klisichel a bedenged. A Biblia a tibir el kmo: “Ngmo diak a tal chad el kiei el ngara beluad [el Paradis] el lmuut el mo mengeremrum el kmo ngsmecher.” (Isaia 33:24) E dirrek, ngmo diak a rechitechut ma lechub a remeiko ma lechub a remechad ma rebengong.—Isaia 35:5, 6.

A ullebengelel a ringel, ma klengiterreng, ma kodall. A Tekingel a Dios a melekoi el kmo: “Mo diak a kodall, ma klengiterreng ma langel ma ringel me ngmo diak, ele ngmla nguemed a ikel dimla ngarngii.”—Chocholt 21:4.

A remekngit a mo diak. A Jehovah a tibir el kmo: “A remechebirukel a mo nguemed er tia el chutem; ma rekdekudel, a mo mengai el mo cheroid er ngii.”—Osisechakl 2:22, New World Translation.

A rechad a mo kaubltikerreng e kakull. Ngmo diak a chelebirukel, ma olsarech, ma rechorecherreng, ma ketui. A rechad a mo ta rengrir e kiei el oltirakl er a melemalt el rolel a Dios.—Isaia 26:9.