8 el Suobel

Te Rua Techang A Cherroel A Dios?

Ngike el kot el ngar er a uchei el cherroel a Dios a Satan el Diabelong. Ngbleob el reng el ulemtok er a Jehovah. A Satan a melemolem el omtok er a Dios e uchul aike el meklou el uldikel el kirel a klechad. A Satan a mekngit. Ngbulak e omekoad er a rechad.—Johanes 8:44.

A rekuk bebil er a bleob el reng a ulebengkel a Satan er a ultok er ngii el omtok er a Dios. A Biblia a omekedong er tir el kmo mengelengalek el reng. Ngua Satan, e a remengelengalek el reng a cherroel a klechad. Ngsorir el melemall er a rechad. (Matteus 9:32, 33; 12:22) A Jehovah a mo olekngemed er a Satan ma remengelengalek el reng er ngii el mo cherechar. Ngmla mo kedeb a temir el meruul a uldikel er a klechad.—Chocholt 12:12.

A lsekum e ngsoam el mo sechelil a Dios, e ngdiak el kirem el meruul aike el soal a Satan obo moruul. A Satan ma remengelengalek el reng er ngii a ouketui er a Jehovah. Te cherroel a Dios, e sorir el rullau el mo cherroel a Dios. Ngkirem el melilt el kmo ngtecha soam el mo odeuir a rengul—Satan ma lechub e ng Jehovah. A lsekum e ngsoam a diak a ullebengelel el klengar, e ngkirem el melilt el mo meruul a soal a Dios. Ngngar er ngii a betok el cheleblad el omerellel ma rolel a Satan el mengeuid er a rechad. Oumesingd el chad a mecheblad er ngii.—Chocholt 12:9.