A Klemerang el Kirel a Rengedel a Dios
A Jesus a ullisechakl er a rultirakl er ngii el mo meluluuch el kmo: “Demmam el ngar a eanged: Bo le modanges a chedaol ngklem; a Rengedem le mei; bo le motaut a soam er a beluulchad el ua ingii er a eanged.” (Mateus 6:9, 10) Me ngerang a Rengedel a Dios? Ngera ngmo meruul er ngii? E ngera uchul me ngkired el meluluuch el kirel?
A Jesus a King er a Rengedel a Dios
Lukas 1:31-33: “E mo mengklii el Jesus. Ng mo chetengakl e mo okedongall el Ngelekel a Kot el Ngarbab el Dios. E a Rubak el Dios a mo rullii el mo king el ua uchelel er a David me ng mo mengedereder er a re ngelekel a Jakob el mo cherechar, ma rengedel a mo diak a ulebengelel!”
A Jesus a di mle blechoel el omerk el kirel a Renged.
Mateus 9:35: “A Jesus a milliuekl el oldingel a bek el meklou ma mekekerel beluu. Ng ullisechakl er a blil ongdibel, e ulemerk er a Ungil Chais el kirel a Rengedel a Dios, e ulemekungil er a re chad el mle smecher er a bek el bedengel a rakt.”
A Jesus a milsterir a redisaiplo er ngii a olangch el ngosuterir el mo medengei el kmo a Renged a di kmedung el mei.
Mateus 24:7: “A meklou el beluu a mo kaumekemad; ma renged a mo kaodechelakl. A bosech ma desiu a mor ngii er a bek el beluu.”
Chelecha el taem e a redisaiplo er a Jesus a omerk el kirel a Renged er a beluulechad el rokir.
Mateus 24:14: “Me tial Ebangkelio el kirel ngii el Renged a mo mosisechakl er a beluulchad el rokir el kirel el mo ocholt el mor a rokui el chad, e sola e ng mochu er ngii a ulebongel er a beluulchad.”