Bo Mungil el Ngelseuil a Chad el Mobengkel el Ngar er a Tuangel
1. Ngera el klungiaol a ngar er ngii a bo doureor el lobengkel a ta er a chad sel domerk er a klumech?
1 Ngar er ngii a ta er a taem e a Jesus a uldureklterir a re 70 el disaiplo er ngii el mo omerk er a klumech, e “odercheterir el derterung.” (Lk. 10:1) Tia el tekoi a ulterekokl el mlo uchul me a redisaiplo er ngii a mle sebechir el kaingeseu e kasisiich sel lomerk er a klumech. Me sel dobengkel a ta er a mla mo omerk er a klumech el oldingel, e kede mekerang e sebeched el olengeseu?
2. Sel longedecheduch ngike el kldemed, e kede mekerang e ngera uchul me ngkired el lorrenges er ngii?
2 Oeak a Dorrenges: Mkerekikl el orrenges sel longedecheduch er a rechad ngike el kldemem. (Jak. 1:19) A longuiu a bades, e moltirakl er a omenguiu el ngar er a Biblia er kau. Momes er ngike el chad el mengedecheduch, a lengike el kldemem me a lechub el ngike el chad er sel blai. Sel omkerekikl el lorrenges er a cheldecheduch el merael, e tiang a sebechel el smisichii ngike el chad el longedecheduch er ngii me ngmo blak a rengul el lorrenges el dirrek.
3. Ngoingerang e a chad el dedak el loldingel a mo outkeu er kid el mo mengedecheduch?
3 Moba Sekutaberreng er a Kmo Ngungil el Mongedecheduch er Oingerang: Sel dobengkel a chad el mengedecheduch, e kede kobkellii el loeak a debecherei me lengii a mengetakl er a cheldecheduch. (Rom 12:10) Ngdiak el soad el mo meleb a tekingel. A lobes er a mle soal el mesaod er ngii me a lechub e a chad el longedecheduch er ngii a lolekoi el lomtok me lolengit a ngeseu er kid, e kede kerekikl el tekoi el dolekoi a melisiich aike el lulsaod ngika el kldemed e bai diak bo domuchel a omesodel a ngodech el suobel. (Osi. 16:23; Oli. 3:1, 7) A dongedecheduch, e a tekinged a kirel el di mo melisiich er a ureor er a klsioning el bla luchelii ngika el kldemed.—1 Ko. 14:8.
4. Ngera sebechel el mo uchul a deurreng er kid me a ungil el urered er a berkel a klumech?
4 Tirke el 35 el kakub el disaiplo er a bo lemerek a urerir er a berkel a klumech e te mlo remei el dmeu a rengrir. (Lk. 10:17) Kid me ngdirrek el mo er ngii a deurreng er kid e mo meduch el omerk er a klumech sel dorrenges e doba sekutaberreng el kmo ngungil el dongedecheduch er a oingerang sel dolengeseu er tirke el dobengterir el oldingel.