Ngsebechem el Olengit er a Chad Me Lobengkem?

Ngar er a betok el ongdibel e te ngar er ngii a rumerk er a klumech el chelitechetul a bedengir me a cheluodel a uchul e ngdi sebechir el mengoit a kesai el taem el oldingel a obliil. (2 Ko. 4:​16) Ngsebechem el olengit er a ta er tirka el chad me lobengkem el mo mesuub a Biblia el obengkel a chad? Me a lsekum e ngika el omerk er a klumech a diak el sebechel el tuobed er a blil, e nglocha sebechem el mo er a blil e mesuub a Biblia el ngar isei. A lebebil er a taem, e kau ngsebechem el olengit er a chad el ngar er ngii a chelitechetul a bedengel me lobengkem el oldingel a di mekesai el blai me a lechub e ko mo omes er a chad el semeriar? A rebetok el mechudelang a mle betok el rak el loruul er a omesiungir. Me sel molengeseu er tir e ke melisiich er tir me tir a dirrek el sebechir el melisiich er kau. (Rom 1:​12) Me a lmuut el tang, a omerellem el olecholt er a bltkil a rengum el oeak tiaikid el rolel a bo lomeskau a omeksullem a Jehovah el kirel.​​—Osi. 19:17; 1 Jn. 3:​17, 18.