A Merekung el Chedaol Blsoil a Meskid a Techall el Mo Mereng a Saul

1. Ngera el ileakl el techall a dobang el kirel a Chedaol Blsoil?

¹ A Chedaol Blsoil el mo er ngii er a April 14 a meskid a ileakl el techall el mo omekeroul e olecholt a omereng el saul el kirel a ungilreng er a Jehovah. A cheldecheduch el ngar er a Lukas 17:​11-​18 a ochotii a osengel a Jehovah me a Jesus el kirel a omereng el saul. Ngklengiterreng, e le ngdi ta er tirke el teruich el chad el mle chebedes a ngiluu a techall el mo olecholt a omereng el saul. A ngar er medad el klebesei, e a sengk er a olubet a mo omekungil a rokui el secher, e rullii a diak a ulebengelel el klengar el mo mera el tekoi. Me kede ulterekokl el mo mereng a sulel a Jehovah er a bek el sils el kirel choua ikaikid el klengeltengat. Me kede mekerang e ochotii a omereng el saul er kid er aika el merael el mei el sandei?

2. Kede mekerang a domekeroul er a omereng el saul el kirel a olubet?

² Momekeroul er a Omereng el Saul: A omereng el saul er kid a mei el okiu a uldesued. Me a bo doleketek er a omereng el saul er kid el kirel a olubet, e ngsebeched el omes aike el mla meketmokl el omengiuel a Biblia el ngar er a calendar me a Examining the Scriptures Daily. A bek el telungalek a ungil a bo ledak el mesaod er tia el suobel. Sel doruul el uaisei, e ngmengal mo klou a omereng el saul er kid el kirel a olubet. E tiang a ngar er ngii a ungil el bo lerellii el kirel a omerelled.​​—2 Ko. 5:​14, 15; 1 Jn. 4:​11.

3. Ngoeak a ngera el rolel e kede ochotii a omereng el saul er kid er a blsechel a Chedaol Blsoil?

³ Mochotii a Omereng el Saul: A omereng el saul a mocholt el oeak a omeruul. (Kol. 3:​15) Ngike el mle chebedes el chad a ulechotii a omereng el saul er a bo losiik er a Jesus e loreng a sulel. Ngulterekokl el di mle blechoel el ouchais el kirel sel mengasireng el tekoi el mo er a rechad. (Lk. 6:​45) Me a omereng el saul er kid el kirel a olubet ngrullid el mo blak a rengud el mo ouchais er a rechad el kirel a Chedaol Blsoil? A bo dosiou el auxiliary pioneer me a lechub e kede menglou er a temed er a omesiunged er tia el blsechel a Chedaol Blsoil a kmal ungil el rolel e kede ochotii a omereng el saul er kid. E sel kesus er a Chedaol Blsoil e a rengud a mo rullid el mo ouetkeu er tirke el chad el mei e kutmeklid el mo onger a kerrir a lsekum te oker a ker.

4. Kede mo mekerang me lak bo douuchel a rengud el kirel tia el Chedaol Blsoil?

⁴ Tiang ngmo ulebongel el Chedaol Blsoil er kid? (1 Ko. 11:​26) Ngdiak dodengei. Engdi kede medengei el kmo sel bo lemerek, e ngmla remiid sel ileakl el techelled el mo olecholt a omereng el saul er kid el kirel. Me kau ke mo ousbech er tia el techall? Me a leuaisei, e a omereng el saul er kid el mocholt el okiu a tekinged me a uldesued bo luchul a deuil a rengul a Jehovah el ngike el bekururau el Milskid a olubet. ​​—Psa. 19:⁠14.