A Rolel a Domuchel a Cheldechedechad

A Ongkerongel July 1

“A klengar a diak lulterekokl a uchul, me a omomdasu a tekingel a Jesus el kirel a doutekangel a sebekreng er a klengar ngoureor? [Monguiu er a Mateus 6:25, e mongiil er a nger er ngii.] Tia el Ongkerongel a mesaod er a rolel e ngsebechel a omellach er a Biblia el ngosukid el mengesadel a sebekreng el kirel a udoud, telungalek me a kdekudel el tekoi.”

Ungil Chais el Mla er a Dios!

“A rebetok el chad a sorir el meluluuch, el ileakl sel lengar er ngii a mondai er tir. Kau ke meluluuch a lebebil er a taem? [Mongiil er a nger er ngii.] Omomdasu a Dios ngorrenges a rokui el nglunguuch, me a lechub e ngar er ngii a nglunguuch el diak lodeuir a rengul? [Mongiil er a nger er ngii.] Ngar er ngii tia el brochure el kubang el ochotii a rolel a debetik a nger er aika el ker er a Biblia. [Bsang a babilengel, e mdak el mesaod er a kot el parakurab er a suobel 12 me aike el bades el kired el menguiu.] Ngkmal dmeu a rengud e le Dios a kongei el orrenges er kid. Engdi a bo dengai a mui el klungioled er a nglunguuch, e ngkired el mo ungil el medengelii a Dios. [Bisii el mo er a suobel 2 e momes aike el mekekerei el dai.] A lsoam, e ngsebechek el mecherei tia el babier el mo babilengem, e a kuk ta er a taem, e ngsebeched el mo menguiu a nger er a Biblia el kirel aika el kmal ungil el ker.”

Ungil Chais el Mla er a Dios!

“Aki di oldingel e le rechad a kmal suebek a rengrir er aike el mo duubech er a ngar mederir el klebesei. Omomdasu a blekeradel ngmerael el mo ungil? [Mongiil er a nger er ngii.] A rebetok el chad a mechas a rengrir sel bo lodengei el kmo a Biblia a ngar er ngii a ungil chais er a chelsel el meskid a omelatk. Aikaikid a bebil er a ker el mlengai a nger er ngii er a Biblia.” Mnguu a babier el msa chad er a blai, e molengit er ngii me lengiltii a ker er a ikrel a babier el kmal semeriar er ngii. E sola e bo er sel suobel e mochotii a rolel a omesubel a Biblia. Mketmeklii a taem el mluut el mong el mo mesaod er a ongingil el ker el ngar seikid el suobel.