What Can the Bible Teach Us?​—Rolel a Dousbech er Ngii

A Teach Us me a Biblia Olisechakl el babier a kmeed el osisiu. Aika el teblo el dongu er kid a mesaod a osisiu el klemerang el ngar er a osisiu el blechebechel. Engdi a Teach Us el babier a ousbech a beot el omesodel a tekoi me a rolel a osisechakl. Ngmileketmokl el kirir tirke el meringel er tir a mo medengelii a Biblia Olisechakl el babier. Ngdiak a bebil er a omesodel, e ngbai ngar er ngii a endnotes el ngar er a ulebengelel tia el babier el mesaod a belkul a bebil er a tekoi me a uldasu el ngar er a suobel. Ngdiak a ker el ngar er a uchelel a bliongel me a lechub a baks el omelekl a suobel. Ngbai ngar er a ulebengelel a bek el bliongel, e ngar er ngii a omesodel a klemerang er a Biblia el mle soadel. Ngdi ua Biblia Olisechakl el babier, ngsebeched el merous er a Teach Us el babier er a ngii di el taem, alta ngdiak el babier el dorous er ngii er seikid el buil. Ngmekera dousbech aike el kakerous el tekoi el ngar er a Teach Us el babier sel dosuub el obengkel a chad?

OMESODEL: A ruumesingd el chad a di ungil er tir sel rolel a dosuub el obengkel a chad el menguiu a parakurab er a Biblia Olisechakl el babier e oker a ker. Engdi ngkuk mekerang a lsekum a chad el mesuub a diak el sal medengelii a omelekoi el mousbech er ngii me a lechub e ngmetitur el menguiu? Seikid e ngsebechem el ousbech er a Teach Us el babier. Me aike el omesodel a bek el bliongel a sebechem el ousbech el mesuub el obengkel a chad e molisiich er ngii el di mo menguiu er sel bliongel er a uriul. Ngsebeched el ousbech a bekord el 15 el bung el mesuub er a ta er a klemerang er a Biblia el obengkel. A omesodel a bek el bliongel a diak losaod a komakai el tekoi a uchul, me ngkirel a chad el olisechakl el mo ungil kltmokl e mo melatk aike el lousbech ngike el mesuub. Engdi a lsekum e ngmesuub er a bliongel el rokir, e ngsebechel el ousbech aike el omesodel el mo omelekl a suobel.

ENDNOTES: A tekoi me a uldasu el ngar er a endnotes a oltirakl a blechebechel a suobel er a chelsel a bliongel. Ngike el olisechakl a sebechel el melilt el mo mesaod aike el ngar er a endnotes er a Teach Us el babier er a temel a omesuub.