Te Rua Techang a Meruul a Soal a Jehovah er Chelechang?​—Rolel a Dousbech er Ngii

Tia el babier el Te Rua Techang a Meruul a Soal a Jehovah er Chelechang? a mileketmokl el bo dosaod er ngii el obengterir tirke el mesuub er a Biblia er a uchelel me a lechub a orokiolel a omesubed.a A 1 el mo er a 4 el suobel a ngosuterir el mo medengelkid, e a 5 el mo er a 14 el suobel a ngosuterir el mo medengei aike el tekoi el doruul, e a 15 el mo er a 28 el suobel a olecholt aike el longetmokl a cheldebecheled. Ngblechoel el ungil a dosaod a suobel el ngar er a blechebechel, engdi a lsekum a chad a ngar er ngii a ileakl el tekoi el soal el mo medengelii, e ngsebeched el mesaod er ngii. A derta el suobel a ngar er a chimo el llel, me ngsebeched el mesaod er ngii er a chelsel a eim el mo er a teruich el bung.

• Mosaod er sel ker el ngii a dai er a suobel

• Mdak el menguiu er a suobel, el di ta el taem me a lechub e ngoltirakl a derta el mekekerei el dai

• Mosaod aike el mulenguiu. Bo mungil el ousbech a siasing me aike el ker el ngar er a ulebengelel a suobel. Morriter el kmo ngera er aike el beldukl el bades a ungil a bo monguiu e mesaod. E mosaod a rolel e a derta er aike el mekekerei el dai a onger er a dai er a suobel

• A lsekum e ngar er ngii a baks el “Bo Modengei a Lmuut el Betok,” e mdak el menguiu er ngii e molisiich er a chad el mesuub el mo oltaut er ngii