Te Rua Techang a Meruul a Soal a Jehovah er Chelechang?
1. Ngoingerang e kede mo mesuub er a babier el Te Rua Techang a Meruul a Soal a Jehovah er Chelechang? e mekerang e tia mo uchul a klungioled?
1 Ngomuchel er sel sandei er a October 28, e kede mo mesuub er a babier el Te Rua Techang a Meruul a Soal a Jehovah er Chelechang? er a Omesubel a Biblia er a Ongdibel. Tia el beches el babier el mlotobed er sel “Bo Mkerekikl er a Uldesuem!” el Ileakl el Eru el Sils el Ongdibel, a mileketmokl el mo omekrael er tirke el mesuub a Biblia el mo er a cheldebechelel a Jehovah. A dosuub er tia el babier e ngmo melisiich er a omereng el saul er kid e le kid el chedal tia el cheldebechelel a Jehovah e dirrek el ngosukid el mo ungil medengelii tia el babier el bo dousbech er ngii el ngar er a omesiunged.—Psa. 48:13.
2. Ngmekerang a bo dosuub er tia el babier el ngar er a ongdibel?
2 Rolel a Bo Dosuub er Ngii: Ngike el oungerachel a kirel el kutmokl a ungil el ildisel a taem el kirel a derta el suobel. Ngmo omuchel a derta er aike el 28 el suobel el okiu a longuiu er sel ker el dai er sel suobel. E sola, e ngolengit er ngike el menguiu me lechiuii a kot el parakurab. A uriul, e ngoker er a rechad a ker el bla leketmeklii el kirel sel kot el parakurab. Me seikid el mong, e a derta er aike el parakurab el omuchel el ousbech a smiich el chedelekelek el llechukl a kirel el mechuiu e mo er ngii a omesodel. Uriul er a lemechuiu a parakurab, e ngike el oungerachel a mo olengit er a rechad me louchais a uldesuir er a rolel e a parakurab a onger er sel ker el ngii a dai er a suobel. Tia el babier a dirrek el ngar er ngii a betok el siasing er ngii el sebeched el mesaod el kirel. A lengar er ngii a taem, e ngmo mechuiu aike el bades el mesaod er sel suobel. Me a uchei er a omesodel a ongingil el suobel, e ngike el oungerachel a mo omelekl el okiu a loker aike el ker el llechukl er iou. A lsekum e ngar er ngii a baks el kmo “Bo Modengei a Lmuut el Betok,” e ngkirel el mechuiu, e a uriul e ngolengit a uldesuir a rechad er a rolel e ngike el mesuub a Biblia a ngmai a klungiolel a loltirakl aika el ulekrael. Me a lengar er ngii a taem er a orokiolel a omesuub, e ngika el oungerachel a sebechel el ousbech aike el dai er a suobel el ua omelekl el ker. Lak mobes el kmo tiang a diak el rolel a omesuub el bo dousbech er ngii kid me tirke el chad el dosuub a Biblia el obengterir.
3. Kede mekerang e mo ngmai a klungioled er a omesubed er tia el babier?
3 A bo dengai a klungioled, e ngkired el mo kltmokl er a uchei er a miting. E molasem el mo onger. Me sel temel a omesuub, e molatk el kmo ngmekera tia el suobel e mo klungiolel a chad el mesuub er a Biblia. Me a omesubed er tia el beches el babier bo leketmeklid me bo el sebeched el ngosuterir a rebebil el me obengked el meruul a soal a Dios me dilerrek el mo oba omelatk el kiei el diak a ulebengelel.—1 Jn. 2:17.
[Aike el Ker er a Suobel]