Listen to God​—Rolel a Dousbech er Ngii

Tia el babier el Listen to God a mileketmokl el mo olisechakl a klemerang er a Biblia el mo er tirke el meringel er tir a menguiu. A derta el suobel a eru el llel el ngar er ngii a mla meketmokl el siasing el olecholt er a omesodel a suobel, e dirrek el ngar er ngii a melutk el omekrael er kid el mo er a ongingil el siasing.

Sel babier el Molengesenges er a Dios Me Bo Mkiei el Mo Cherechar a di osisiu a siasing er ngii me a Listen to God el babier, engdi ngbetok a tekoi er ngii me ngsebeched el ousbech er ngii el mesuub el obengterir tirke el telkib el meduch el menguiu. Tirke el mesuub el obengterir a rechad a blechoel el ousbech er ngii el olsisechakl er tirke el ousbech er a Listen to God el babier. Ngdirrek el sebeched el metik a baks, el ngar ngii a lmuut el bebil er a tekoi el sebeched el mesaod, e tia di moltirakl er a duch er a chad el mesuub er a Biblia.

Ngsebechem el merous aika el teblo el babier er a ngii di el taem. Me sel mosuub el obengkel a chad, e mousbech a siasing el mesaod aike el tekoi el ngar er a Biblia. Moker a ker e moterekeklii el kmo ngungil el medengei a tekoi el mosaod. Monguiu e mosaod aike el bades el ngar er a ulebengelel a bek el llel. E sel mrekir tia el babier, e bo mosuub er a Ngerang Mera el Lolisechakl a Biblia? el mo ngosuir a chad el mo olengeriakl er a omesubel me bo lsebechel el mo metecholb.