Ungil el Blekeradel el Dolecholt Sel Dengar er a Medal a Tuangel

A Rekristiano a “ongengael er a beluulchad.” (1Ko 4:9) Me ngdiak el kirel el mo mechas a rengud a lsekum a rebebil er a rechad a ngar er a chelsel a blirir e omes me a lechub e te orrenges a cheldechedechad. A blirir a locha ngar er ngii a security camera me a lechub a microphone er ngii me ngsebechel a chad el di ngar er a chelsel a blil e omes, e orrenges, me a lechub e te rekord er kid. Me a leuaisei, aikaikid a bebil er a rolel a dolecholt a ungil el blekeradel sel dengar er a medal a tuangel.​—2Ko 6:3.

TEKOI EL DORUUL (Fil 1:27):

• Molecholt a omengull el mo er a chad er a blai sel lak momdidm er a chelsel a blil. E lak mongang, e molim, e moudengua, me a lechub e moutext sel mngar er a medal a tuangel

TEKOI EL MOLEKOI (Efe 4:29):

• Sel mngar er a medal a tuangel, e lak molekoi a tekoi el diak el soam a chad er a blai a lerenges. A rebebil el publisher a mla tibir el diak el chadecheduch sel ngar er a medal a tuangel me bo el sebechir el mo ungil el mdasu aike el bo lolekoi

Ngera lmuut el bebil er a rolel a omolecholt a ungil el blekeradel er a medal a tuangel?