A Dios Ngorrenges A Nglunguchem?

NGERANG MESAOD A BIBLIA?

• A Dios a orrenges. A Biblia olterekokl a rengud el kmo a Jehovah a “kmeed er tirkel rokui el omekedong er ngii, el tirkel mera er a rengrir omekedong er ngii. . . . Ng orrenges ongterir.”​—Psalm 145:18, 19.

• A Dios a soal omoluluuch el mo er ngii. A Biblia a mengemedaol er kid el kmo: “Molengit er a Rubak er a bek el nglunguchiu, a ikel mousbech, el di blechoel el mereng a sulel.”​—Filipi 4:6.

• A Dios a mera el omekerreu er kau. A Dios a ungil medengei aike el mengesang a uldesued me aike el uchul e ngsuebek a rengud, e soal lolengeseu er kid. A Biblia a melekoi el kmo: “Moterekokl a ikel rokui el tekoi el suebek a rengmiu er ngii, ele ng kerekikl el omekerreu er kemiu.”​—1 Petrus 5:7.