Aike el Mo Ngosukau el Menguiu er a Biblia er a Bek el Sils

Kau, ngmo meringel er kau a menguiu er a Biblia er kau er a bek el sils e le ke kmal mo mechesang? (Jos. 1:8) A leuaisei, e molasem er a ta er aika el tekoi:

• Em set up er a reminder er kau. Mrellii a alarm er a dengua er kau el mo remind er kau el menguiu er a Biblia.

• Mlia Biblia er kau er a basio el sebechem el blechoel mesang. A lsekum ke menguiu er a Biblia el babier e mnguu el loia er a basio el sebechem el mesang er a bek el sils.—Dut. 11:18.

• Morrenges er a omengiuel a Biblia. Morrenges er ngii sel moruul a urerem er a bek el sils. A Tara el ta er a pioneer e dirrek loungalek el loureor sel klebesei a kmo, “Sel kuruul a urerek er a blai e a kurrenges a omengiuel a Biblia e tia ngosukak me ngsebechek el chiuii a Biblia er ngak er a bek el sils.”

• Lak meterob. A lsekum ngdi kiul duubech a kmung ngerang me ngmo tomellii a temem el menguiu, e di mchuiu a sesei el bades er a uchei er a obo bad. Mo lmuut er a di kesai el bades me ngkmal ngar ngii a lerellii.—1 Pe. 2:2.