08 EL SUOBEL
Ngsebechem el Mo Sechelil a Jehovah
A Jehovah soal obo mungil medengelii. E ngerang? Ngurungulel el kmo, a omonglou er a klemedengei er kau er a blekerdelel, omerellel, me a moktek er ngii e ngmo soam el mo sechelil. Ngmera el sebeched el mo sechelil a Dios? (Monguiu er a Psalm 25:14.) Ngera sebechem el meruul me bo msechelil? A Biblia onger aika el ker e ochotii el kmo, a klausechelei er kau me a Dios a sel kot el klou a ultutelel el deleuill el sebechem el mo obang.
1. Ngera ngmengemedaol er kau el mo meruul er ngii a Jehovah?
“Molekeed er [kau] er a Dios me bo lekeed er [kau].” (Jakobus 4:8) Tiang ngera belkul? A Jehovah mengemedaol er kau el mo sechelil. A rebebil a locha meringel er tir el mo sechelil a chad el diak lesang, ileakl er ngii a mo sechelil a Dios. Me nguaisei, ngar er a Tekingel el Biblia e a Jehovah ouchais er kid a rokui el tekoi el kirel me bo lsebeched el mo kmeed er ngii. Alta ngdiak el sebeched el mesang engdi sel donguiu er a Tekingel el mei er kid er a Biblia, e ngmukeroul a deleuill er kid me ngii.
2. Ngera uchul me a Jehovah ngike el kot el ungil chad el sebechem el mo Sechelil?
Ngdiak a kot el betik a rengul er kau el mo ua Jehovah. Ngkmal soal a ledeu a rengum, e bo er ngii sel bo mousbech a ngeso. Ngsebechem el ‘olterekokl a ikel rokui el tekoi el suebek a rengum er ngii, ele ng kerekikl el omekerreu er kau.’ (1 Petrus 5:7) A Jehovah a kmal kltmokl el mo olengeseu, mengelaod, e orrenges er a resechelil.—Monguiu er a Psalm 94:18, 19.
3. Ngera ngmengerechir er a resechelil a Jehovah?
A Jehovah a betik a rengul er a rokui el chad engdi ng “kmeed er a re melemalt.” (Osisechakl 3:32) A Jehovah mengerechir er a resechelil el mo melasem el meruul a tekoi el ngii omes el kmo ngungil, e mengeroid er tir er a tekoi el ouketui. A rebebil a locha omdasu el kmo ngdiak el sebechir lotirakl a llechul a Dios el kirel a ungil me a mekngit. Nguaisei engdi Jehovah chubechubechad. Ngkongei er tirke el rokui el betik a rengrir er ngii e mora tkurrebab el sebechir el meruul a soal.—Psalm 147:11; Rellir 10:34, 35.
BOM DMOLECH EL MERRITER
Mluut el mesuub a betok el kirel a rolel e ngsebechem el mo sechelil a Dios, e mesa el kmo ngera me ngii a ngike el kot el ungil el sechelei.
4. Abraham a mle sechelil a Jehovah
Cheldecheduch er a Biblia el kirel a Abraham (el dirrek el okedongall el Abram) a ngosukid el mo medengelii a belkul a bo desechelil a Dios. Monguiu el kirel a Abraham er a Genesis 12:1-4. E mosaod aika el ker:
A Jehovah ngullengit er a Abraham el mo mekerang?
Ngera ngtilbir a Jehovah el mo er ngii?
Ngmilekerang a Abraham?
5. Aike el lolengit a Jehovah er a resechelil
Ngblechoel el ngar ngii a tekoi el dongerechir er a resechelid.
Ngera bebil er a tekoi el soam a resechelim a loruul el mo er kau?
Monguiu er a 1 Johanes 5:3 e mosaod er tia el ker:
Ngera ngmengerechir er a resechelil a Jehovah?
Nglocha mo kired el melodech a omerelled me a blekerdeled el mo olengesenges er a Jehovah. Monguiu er a Isaia 48:17, 18 e mosaod er tia el ker:
Ngngera uchul me a Jehovah a mengerechir er a resechelil el mo meruul omelodech er a klengar er tir?
A ungil sechelei a mo omeklatk er kid el kirel aike el mo uchul a ulekerreuid me a klungioled. A Jehovah a meruul er tiang el kirir a resechelil
6. Aike el loruul a Jehovah el kirir a resechelil
A Jehovah olengeseu er a resechelil er a mondai er tir. Momes er a VIDEO e mosaod er tia el ker.
Ngmekera Jehovah e mla ngosuir ngika el redil er a video er aike el mekngit el uldesuel?
Monguiu er a Isaia 41:10, 13 e mosaod aika el ker:
Ngera ngtibir a Jehovah el mora rokui el sechelil?
Omomdasu e a Jehovah ngungil sechelei? E ngerang?
A rekmeed el sechelid a mo ngosukid sel dousbech a ngeso. A Jehovah dirrek el mo ngosukau
7. A klausechelei er kid me a Jehovah ousbech omengedecheduch
A cheldecheduch a melisiich a deleuill. Monguiu er a Psalm 86:6, 11 e mosaod aika el ker:
Ngmekera dongedecheduch er a Jehovah?
Ngmekera longedecheduch er kid a Jehovah?
Kede mengedecheduch er a Jehovah sel doluluuch, e ngii a mengedecheduch er kid loeak a Biblia
A REBEBIL A KMO: “Ngkmal diak el sebeched el mo sechelil a Dios.”
Ngera el bades a bo mousbech er ngii el lochotii el kmo, ngmera el sebeched el mo sechelil a Dios?
SUMMARY
A Jehovah soal mo sechelim, e ngii a mo ngosukau el mo kmeed er ngii.
Review
Ngmekera Jehovah a lolengeseu er a resechelil?
Ngera uchul me a Jehovah melekoi er a resechelil el mo meruul omelodech?
Omomdasu e a Jehovah ngbetok a longerechir er a resechelil? Ngera uchul me ke melekoi el uaisei?
A LSEBECHEM E MOMES
A klausechelei er kau me a Dios, ngera ngsebechel rullii er a klengar er kau?
“Jehovah—A God Worth Knowing” (The Watchtower, February 15, 2003)
Msuubii a rolel e ngsebechem el mo sechelil a Dios.
Bo modengelii a uchul me a ta el redil a omelechesiu el kmo, a klausechelei er ngii me a Dios a ulsebelii.
Morrenges er a rengeasek el louchais a uldesuir el kirel a Jehovah.