GUVUTUGILA ATHU
LONGO 7
Landula Gutshita Ngolo ha Gukuatesa Athu Ako
Longo dia Biblia: “Alanduile gulongesa nu gumuanga lukuma luabonga.”—Makal. 5:42.
Itshi Phaula Watshitshile?
1. Tala VIDEO, nga ndo tanga Makalegelo 19:8-10. Gungima hana mvutu gu mihu eyi:
Luholo lutshi Phaula walanduile gutshita ngolo ha gukuatesa athu anyi asuangulugile nu giamatshidia, ikhale mbalagaji jienji jiamuluishile?
Luholo lutshi Phaula wakhalele muvutuga ha gulongesa athu anyi asuangulugile nu giamatshidia? Wakhalele mutshita matangua guvula gutshi ha guavutugila?
Longo Ditshi Tuazula mu Gifezegeselo gia Phaula?
2. Yana toga tangua diavula nu ngolo ha guvutugila athu nu gusendesa gulonguga nawo Biblia.
Landula Gifezegeselo gia Phaula
3. Londega programe yaye hagula idivue nu ya athu ako. Dihule egi: ‘Tangua ditshi nu fundo ditshi ngajiya guheta muthu muene? Muthu muene wajiya gusuanguluga guta maga nu ame mu tangua ditshi nu fundo ditshi?’ Landula gutshita ngolo ha guvutugila athu ikhale tangua diatombi athu ene dishigo diabonga mukunda nu aye.
4. Divuenu tangua dia gudimona luko. Gungima dia guta maga nu muthu muene, wajiya gumuwambela tangua dinyi mbawuza muvutuga ha guta n’enji luko maga. Tshita ngolo ha gudimona n’enji mu tangua nu fundo muadivile.
5. Ulebigo muila. Gula wana sanga ndo muthu muene gumbo dienji, nga ndo muthu muene wana khala tangua diagasue nu midimo, utangizago egi gana suanguluga ndo nu giamatshidia. (1 Kol. 13:4, 7) Landula gutshita ngolo ha gukamba muthu muene, uvi monesa gutema ha gukalegela tangua diaye muabonga.—1 Kol. 9:26.