MAKALEGELO A UKLISTO

Gukhala nu Makalegelo Abonga nu Ginemua Guana Gukuata Mitshima ya Athu

Matangua avula makalegelo abonga a akhetu anyi adi Aklisto ana gukuatesa alumi’awo ha gutshigina giamatshidia. Uvi, yajiya gutoga egi aphangi ene akolesele mu malamba ivo yavula. (1Phet 2:21-23; 3:1, 2) Gula athu adi gugukalegela ndaga jiabola, landula gutshita ndaga jiabonga ha gubinga ndaga jiabola. (Lomo 12:21) Gifezegeselo giaye giabonga giajiya gukuatesa mulumi’aye ha gujiya giamatshidia gubalega ndaga wajiya guzuela.

Kamba gutadila ndaga luholo mulumi’aye wana gujitadila. (Fili 2:3, 4) Khala gumumonesela khadilo dia khenda nu gudisha ha fundo dienji nu khala mutagenesa ginemo giaye gia gumunemesa. Khala nji mutegelela muabonga. (Yak 1:19) Khala nu guhuiminyina nu mumonese egi wana gumuzumba. Ikhale muene ganago gugumonesela gisemo nu ginemua gifua luholo aye wana gutshita, wajiya gusuanguluga ha gujiya egi Yehowa wana guzula gujinginyina guaye nu ndando.—1Phet 2:19, 20.

TALENU VIDEO YEHOWA WANA GUTUHANA NGOLO HA GUBATA INEMO YETU. GUNGIMA HANENU MVUTU GU MIHU EYI:

Lujingu lua phangi Grace Li luakhalele gikhuatshi mu gisendeselo gia ulo wenji?
Ndaga itshi yamutumile ha gujiya giamatshidia gia Biblia?
Luholo lutshi phangi Li wakolesele mu malamba gungima dia gubatijiwa guenji?
Ndaga itshi phangi Li gakhalele mutoga mu gisambu mukunda nu mulumi’enji?
Mbuto itshi yabonga phangi Li gahetele mukunda nu makalegelo enji abonga nu ginemua gienji?

Ndaga jidi mu video idi muzuela egi: ‘Yehowa Wana Gutuhana Ngolo ha Gubata Inemo Yetu,’ jidi mumonesa luholo phangi Grace Li gadi mukula mu nyuma. 1. Grace udi mudila mu couloir. 2. Phangi mumoshi udi mulonguga nu Grace. 3. Grace nu an’enji amuzoga mu restaurant yawo ha guya mu gudibungisa gua mu hungu. 4. Grace nu aphangi’enji divua adi gu Inzo ya Ufumu. — Gukhala nu makalegelo abonga nu ginemua gudi nu ndando yavula!