Kalegela Ndaga Jidi Mubalega mu Terituare Yenu mu Mudimo wa Gulongesa

Yesu wakhalele mukalegela ndaga jiakhalele mubalega mu masugu enji tangua diakhalele muene mulongesa athu. (Luk 13:1-5) Aye nji wajiya guzuelela ndaga jidi mubalega masugu awa ha gukuatesa athu ha gusuanguluga nu lukuma luabonga lua Ufumu. Wajiya guzuelela luholo lujingu ludi diago lamba mangino nga gudigita gua mavu nga umbalagaji, nga ndaga jiko. Gungima wajiya guhula muthu muene mihu yajiya gumutuma ha gutangigiza. Wajiya gumuhula egi: “Udi mutangiza egi gudi nu lusugu ndaga eji mbajihua ba?” nga ndo “Udi mutangiza egi itshi yajiya gutukuatesa mu ndaga jiene?” Gungima tangenu n’enji verse ya Biblia idi muzuelela ndaga yene. Gula muthu muene wasuanguluga nu maga ene, mutalese video nga ndo muhane mukanda udi mu Ikadigilo ya Gulongesela Biblia. Tudi naye ‘gutshita ndaga jiagasue mukunda nu lukuma luabonga’ tangua tudi mu kalagala yagasue ha gukuata mitshima ya athu mu terituare yetu.—1Kol 9:22, 23.

Ndaga jitshi jiajiya gugukuatesa ha guta maga nu athu a mu terituare yaye?