Mbimbi jia Gisendeselo jia Gitshinyi gia 11

Gitshinyi egi gidi muzuelela mene jidi mu Gitshinyi gia Biblia Giasonegewe mu Greke. Mvuaji jia Yesu jiakhalele phutu, akhalele mujinga mu dimbo diazonda. Yesu wakhalele mutshita mudimo wa mabaya nu sh’enji. Muene wakhalele naye guhuluisa athu agasue ha mavu. Yehowa wamutombele ha gukhala Fumu wa Ufumu wenji mu dilu. Gula udi mvuaji, kuatesa mun’aye ha gukotelesa gishina Yehowa watombele nu gutema guagasue fami nu fundo didi naye gukula Yesu. Mumonese luholo Yehowa wabambale Yesu tangua fumu Helode watshiginyile gumushiya. Mukuatese nji ha gukotelesa egi gushigo nga gima gimoshi giajiya gukanga Yehowa njila ha gutagenesa laji dienji. Mukuatese ha gukotelesa egi Yehowa watombele Yone mubatiji ha gulondega njila mukunda nu Yesu. Mumonese nji luholo Yesu wakhalele muzumba Mbimbi ya Nzambi hakhalele muene mona wa zonda.