Mbimbi jia Gisendeselo jia Gitshinyi gia 12

Yesu walongesele athu ndaga yatadila Ufumu wa mu dilu. Waalongesele nji ha gukombelela hagula jina dia Nzambi ditumbuishiwe, Ufumu wenji uze nu gutshigina guenji gukalegewe ha mavu. Gula udi mvuaji, kuatesa mun’aye ha gujiya, gula gisambu egi gidi mukotelesa itshi mukunda nu esue. Yesu gabembelego egi Satana abolese ufuta wenji nu Nzambi. Apostolo anyi Yesu watombele abuile athu a thomo mu Ufumu wa mu dilu. Yesu wakhalelele gudihana muavula mu ndaga jiatadila gikombelelo gia giamatshidia. Luholo Yesu wakhalele mutshigina gukuatesa athu ako, wasagele athu akhalele nu misongo, wahanele athu akhalele nu nzala ima ya gudia nu wafuzumuine athu a gufua. Ndaga eji jiagasue jia gushima Yesu wakalegele, jiamonesele ndaga Ufumu wa Nzambi mbawukalagala.