LONGO DIA 08
Wajiya Gubua Futa dia Yehowa
Yehowa wana tshigina egi umujiye muabonga. Mukunda natshi? Handaga Yehowa wana jiya egi gula watshita ngolo ha gujiya makalegelo enji, nu maluholo enji a gutshita ndaga nu mafelela enji, mbawukhala diago nu nzala ya gubua futa dienji. Wajiya diago gubua futa dia Nzambi ba? (Tanga Ngimbo 25:14.) Itshi wajiya gutshita ha gubua futa dienji? Biblia yana hana mvutu gu mihu eyi. Idi mumonesa nji egi gukuata ufuta nu Yehowa gudi nu ndando yavula.
1. Yehowa udi gugutoga ha gutshita itshi?
“Suenenu hehi nu Nzambi, muene mbawusuena hehi nu enue.” (Yakoba 4:8) Yakotelesa itshi? Yehowa udi gugutoga ha gubua futa dienji. Athu ako ana tangiza egi idi lamba ha gukuata ufuta nu Nzambi handaga anago gumumona. Uvi Yehowa udi gutuwambela ndaga jiagasue jiatadila makalegelo enji mu njila ya Biblia hagula tusuene hehi n’enji. Tangua tuana tanga Biblia, tuana kolesa ufuta wetu nu Yehowa ngatshima tuanago gumumona.
2. Mukunda natshi tudi muzuela egi Yehowa udi Futa diabonga?
Gushigo nga muthu wajiya guguzumba muavula gifua Yehowa. Muene wana tshigina egi ukhale nu gusuanguluga nu umutoge ukuateshi mu gisambu tangua diagasue udi nu malamba. Wajiya ‘gutulula malamba aye agasue ha mago enji, handaga muene wana gudisagesa mukunda nu aye.’ (1 Phetelo 5:7) Yehowa wana khala hehi ha gukuatesa mafuta enji, ha guawalagana nu ha guategelela.—Tanga Ngimbo 94:18, 19.
3. Itshi Yehowa wana toga gudi mafuta enji?
Yehowa wana zumba athu agasue, ‘uvi wana kuata ufuta wakola nu athu abonga.’ (Ishima 3:32) Yehowa wana tshigina egi mafuta enji atshite ngolo ha gukalagala ndaga jiabonga nu atune ndaga jiabola. Athu ako ana mona egi ajiyilego gukalagala ndaga jiagasue jiana tshigina Yehowa, ajiyilego nji gutuna ndaga jiagasue jiabola. Uvi Yehowa wakhala Nzambi wa khenda. Muene wana tshigina muthu wagasue wana tshita ngolo ha gumuzumba nu ha gumusuanguluisa.—Ngimbo 147:11; Makalegelo 10:34, 35.
TUKAMBE GUJIYA NDAGA JIAVULA
Longuga ndaga wajiya gutshita ha gubua futa dia Yehowa, kamba nji gujiya mukunda natshi muene udi futa diabonga gubalega.
4. Abalahama wakhalele futa dia Yehowa
Lumene lua Biblia ludi muzuelela Abalahama (nga Abalama), ludi gutukuatesa ha gujiya gula gukhala futa dia Yehowa guakotelesa itshi. Tanga lumene lua Abalahama mu Gisendeselo 12:1-4. Gungima zuelelenu mihu eyi yalandula:
Yehowa watogele Abalahama ha gutshita itshi?
Ndaga itshi Yehowa wamulayele?
Ndaga itshi Abalahama wakalegele ha gutumagela Yehowa?
5. Ndaga Yehowa wana tshigina egi mafuta enji atshite
Matangua avula tuana tshigina egi mafuta etu atukalegele ndaga tudi mutshigina.
Ndaga jitshi wana tshigina egi futa diaye agukalegele?
Tanga 1 Yone 5:3, gungima zuelelenu muhu owu walandula:
Ndaga itshi Yehowa wana tshigina egi mafuta enji atshite?
Ha gumonesa egi tuana tumagela Yehowa, tudi naye gusombegesa makalegelo etu. Tanga Yeshaya 48:17, 18, gungima zuelelenu muhu owu walandula:
Mukunda natshi Yehowa wana tshigina egi mafuta enji asombegese makalegelo awo?
Futa diabonga wana gutuwambela ha gutshita ndaga jiajiya gutubatela gubonga. Yehowa nji wana kalagala ngenyi gudi mafuta enji
6. Itshi Yehowa wana kalagala ha gukuatesa mafuta enji
Yehowa wana kuatesa mafuta enji ha gukolesela mu malamba. Tala VIDEO, gungima zuelelenu mihu eyi yalandula.
Luholo lutshi Yehowa wakuatesele phangi wa mukhetu tuamona mu video ha gukatula matangi abola nu gikenene?
Tanga Yeshaya 41:10, 13, gungima zuelelenu mihu eyi yalandula:
Ndaga itshi Yehowa udi mulaya mafuta enji agasue?
Udi mutangiza egi Yehowa wajiya gukhala futa diawaha ba? Mukunda natshi?
Mafuta abonga ana monega mu tangua dia lamba. Yehowa nji mbawugukuatesa mu tangua dia lamba
7. Ha gukhala futa dia Yehowa, tudi naye guta n’enji maga
Gula mafuta adi muta maga muavula, ufuta wawo wana kola. Tanga Ngimbo 86:6, 11, gungima zuelelenu mihu eyi yalandula:
Luholo lutshi tuajiya guta maga nu Yehowa?
Luholo lutshi Yehowa wana guta maga nu esue?
Tuana guta maga nu Yehowa mu njila ya gisambu, muene nji wana zuela nu esue mu njila ya Biblia
ATHU AKO ANA ZUELA EGI: “Muthu gajiyilego gubua futa dia Nzambi.”
Verse itshi wajiya gutangela muthu ha gumumonesa egi tuajiya gubua mafuta a Yehowa?
NDAGA WALONGUGA
Yehowa wana tshigina egi ubue futa dienji, nu mbawugukuatesa ha gusuena hehi n’enji.
Mihu ya Guvutugila
Luholo lutshi Yehowa wana kuatesa mafuta enji?
Mukunda natshi Yehowa wana wambela mafuta enji ha gusombegesa makalegelo awo?
Udi mutangiza egi idi lamba ha gukuata ufuta nu Yehowa ba? Mukunda natshi wazuela ngenyi?
NDAGA JIKO JIA NDANDO
Luholo lutshi gukuata ufuta nu Nzambi guajiya gusombegesa makalegelo aye?
“Jéhovah: un Dieu qui mérite d’être connu” (Inzo Yaleha ya Mutaledi, ya 15 Fevrier 2003 ya français)
Tala luholo wajiya gubua futa dia Nzambi.
Tala luholo gukuata ufuta nu Yehowa guasombegesele makalegelo a mukhetu mumoshi.
“Je ne voulais pas mourir!” (Inzo Yaleha ya Mutaledi No. 1 2017 ya français)
Tala ndaga jidi muzuela mavuala avula mukunda nu ufuta wawo nu Yehowa.