Aklisto a Giamatshidia ana Gujiyiwa Mukunda nu Guzumba Guawo​—Tulandulenu Gukhala Muthu Mumoshi

MUKUNDA NATSHI IDI NU NDANDO: Mu phipha gutuama dia gufua guenji, Yesu wakombelele egi alandudi enji ‘akhale muthu mumoshi.’ (Yone 17:23, mbimbi goshi’a diyiji) Ha gukhala muthu mumoshi, tudi naye gudizumba, enji guzumba guene gushigo naye gukhala gua ‘gubambela athu ako umbalagaji mu mutshima.’​—1Kol 13:5.

LUHOLO LUA GUYIKALAGALA:

• Landula khadilo dia Yehowa dia gukamba phamba ndaga jiabonga jidi mutshita athu? ako

• Khala mutotesela athu ako nu mutshima umoshi

• Gungima dia gulonda ndaga, ulandulago luko guyizuelela.​—Ish 17:9

TALESA VIDEO “KHALENU NU GUZUMBA MUKATSHI DIENU”​—UBAMBELAGO ATHU AKO UMBALAGAJI MU MUTSHIMA. GUNGIMA, HANENU MVUTU GU MIHU EYI:

• Mu gitshinyi gia thomo gia video, luholo lutshi Helen wamonesele egi wakhalele ‘mubamba umbalagaji mu mutshima’?

• Mu gitshinyi gia mbadi gia video, luholo lutshi Helen wabingile matangi enji abola, nu wakudishile matangi awaha?

• Gu gisugishilo, luholo lutshi ndaga yakalegele Helen yakuatesele aphangi mu hungu ha gukhala muthu mumoshi?