MAKALEGELO A UKLISTO
Khala Guditadila Gifua Luholo Yehowa Wana Gugutadila
‘Yehowa wana zumba athu enji.’ (Ngi 149:4) Ikhale tushigo athu atagana, Yehowa wana mona makalegelo etu abonga nu ndaga jiabonga tuajiya gukalagala mu masugu adi muza. Uvi matangua ako yana khala lamba ha gumona makalegelo etu abonga. Luholo athu ako ana gutukalegela ndaga luajiya gututuma ha gutangiza egi tushigo nu ndando. Gula tudi mutangigiza nji phamba ndaga jiabola tuakalegele, yajiya gukhala lamba ha gutshigina egi Yehowa wana gutuzumba diago. Itshi yajiya gutukuatesa gula tuasendesa gutangiza ngenyi?
Khala mujiya egi Yehowa wana mona ndaga jinyi athu ajiyilego gumona. (1Sam 16:7) Yehowa wana mona makalegelo anyi esue hakhetu tuajiyilego gumona. Ndaga yabonga idi egi Biblia yana gutukuatesa ha gukotelesa luholo Yehowa wana gututadila. Tuajiya gukotelesa ndaga yene gula tuatanga verse jia Biblia nu mene jidi mumonesa luholo Yehowa wakhalele mumonesela akombeledi enji guzumba.
TALENU VIDEO PERSUADE TON CŒUR DEVANT JÉHOVAH, GUNGIMA HANENU MVUTU GU MIHU EYI:
Gifezegeselo gia tata mumoshi wakhalele mutala luholo mun’enji wakhalele muzula phushi gidi gutulongesa itshi mu luholo Yehowa wana gututadila?
Gula muthu wakalagala gubola guakoma gungima watshita yagasue ha guvutugila ufuta wenji nu Yehowa, itshi yajiya gumutshiginyisa egi Yehowa wana gumuzumba?—1Yn 3:19, 20
Gubonga gutshi phangi tuamonyi mu video wahetshi hazudi muene tangua dia gutanga nu gutangigiza lumene lua Davidi nu Yosafata?