Lujingu Luakhalele Luholo Tshi mu Paladisu?

Yehowa wahuile Adama nu Eva ima yavula. Gisendeselo 1:28

Yehowa wafugile mukhetu wathomo, Eva, hene wamuhanene gudi Adama egi abue mukaji’enji.​—Gisendeselo 2:21, 22.

Yehowa waafugile nu jindunge nu mila ya tagana, akhalele ata nu gifu gingoshi ndo.

Dimbo dyawo diakhalele dihia dia Edene​—fundo dingoshi dia gubalega gubonga diakhalele nu mita nu mitshi ya mabundu nu shitu.

Yehowa wakhalele muzuela nawo; wakhalele mu’alonga. Gula avuile mbimbi yenji, nga ajingile ivuo nu ivuo mu Paladisu ha mavu.

Nzambi wa zwelele egi gudia bundu dya mutshi ungoshi ndo. Gisendeselo 2:16, 17

Anjelo mungoshi walumbugile Nzambi. Anjelo muene wa bola jina dienji Satana Diabulu.

Yehowa wa dijigile Adama nu Eva mutshi ungoshi wa mabundu mu dihia nunji wa’wambelele egi gula adia bundu dia mutshi wene, mbamufua.

Satana gatshiginyine ndo egi Adama nu Eva alemvugile Yehowa. Hene alezele Eva mu njila ya nyoga egi gula wadya bundu dya mutshi wene, mbagafuigo, mbaubua gifua Nzambi. Satana wambile sha mambo.​—Gisendeselo 3:1-5.