-
Genesis 39:6Niu World Transleison blo Holy Scripture
-
-
6 Gogo, Potiphar letem evriting wea hem onam for Joseph lukaftarem, and only samting wea Potiphar disaedem nomoa hem kaikai wea bae hem kaikaim. And tu, Joseph hem strong and hem luk naes tumas.
-
-
Psalms 105:21Niu World Transleison blo Holy Scripture
-
-
21 Hem putim hem for boss lo olketa samting lo haos blo hem,
For rul ovarem evri property blo hem,+
-
Acts 7:9, 10Niu World Transleison blo Holy Scripture
-
-
9 And olketa man hia jealous lo Joseph+ and salem hem lo olketa Egyptian.+ Bat God stap witim hem,+ 10 and rescuem hem from evri hard taem wea kasem hem and God givim hem wisdom and mekem Pharaoh, king blo Egypt, for hapi lo hem. And Pharaoh appointim hem for rul ovarem Egypt and markem hem for lukaftarem evri samting lo palace blo hem.+
-
-
-