Hem barava important for iumi mas no sleep long spiritual wei bikos world bilong Satan hem klosap for finis. Disfala study storyim hao iumi mas gohed prea mekem iumi gohed wekap long spiritual wei.

▪ Hao Nao Iumi Savve Gohed for Patient?

Long disfala study, bae iumi lane from example bilong profet Micah wea patient. Bae iumi lanem wanem samting nao bae happen wea showimaot taem for Jehovah finisim disfala nogud world hem klosap. Bae iumi lanem tu hao iumi savve showimaot iumi tinghae long wei wea God hem patient.

▪ Hu Nao Sevenfala Man for Lukaftarem Sheepsheep and Eitfala Man wea Lead Distaem?

Iumi savve lanem staka gud samting from story abaotem taem wea Sennacherib attakim Jerusalem long taem bilong Hezekiah. Disfala study garem important information for olketa elder wea lukaftarem kongregeson.

▪ Obeyim Olketa wea Jehovah Markem for Lukaftarem Sheepsheep

▪ Olketa Elder Mas Olsem Tufala Nambawan Man for Lukaftarem Sheepsheep

Firstfala study hia storyim hao Jehovah and Jesus lukaftarem olketa sheepsheep long earth distaem. Hem storyim tu wanem olketa sheepsheep duim for showimaot olketa stap anda long Jehovah and Jesus. Mek-tu study storyim tingting wea olketa elder mas garem taem olketa lukaftarem olketa sheepsheep.

OLKETA NARA ARTICLE INSAED

8 Wanem Nao Iumi Savve Duim for Helpem Narawan?

15 Truth Nao Medicine Bilong Hem!

31 History Bilong Iumi

KAVA: Duim street waka long train station long Tokyo. Winim 2.8 million pipol go long train evriday for kasem Tokyo. Olketa brata and sista waka hard for story witim pipol wea olketa no meetim long haos

JAPAN

POPULATION:

126,536,000

AVERAGE PABLISA:

216,692

REGULAR PIONEER:

65,245