Service Meeting Schedule
Week Bilong February 14
Song 77
10 min: Announcement bilong kongregeson. Chusim samfala announcement from Kingdom Ministry Bilong Iumi. Followim olketa idea long page 8 (sapos hem fitim territory) for duim demonstration long January 15 Wastaoa and January 22 Awake! For shortfala taem reviewim olketa example bilong hao for startim story and changem for fitim territory bilong kongregeson.—Lukim January 2005 Kingdom Ministry Bilong Iumi, p. 8.
35 min: “March, April, and May—Taem for Duim Moa Waka.”a Service overseer hem duim diswan. Long paragraf 6, talem samfala koment from September 8, 2004, Awake! page 12-13. Announcem nem bilong olketa wea bae auxiliary pioneer and olketa extra meeting for field service wea kongregeson arrangem. Encouragem evriwan for mekem spiritual waka bilong olketa kamap moa big long March, April or May.
Song 34 and prea for finis.
Week Bilong February 21
Song 73
10 min: Announcement bilong kongregeson.
20 min: Mekem Grow Interest Long Wei for Iusim Niu Brochure. Tok and story witim audience wea service overseer duim. Iumi shud duim return visit for mekem grow interest bilong man wea tekem Gohed for Luk Aot! brochure. For shortfala taem, iusim list bilong olketa topic long page 2, for story abaotem datfala brochure. Mekhae long olketa heding wea stap anda long olketa main heding wea moa blak. Iu savve iusim olketa sekson hia for mekem interest grow moa long wanem iu storyim long fasfala kol. Olsem example, sapos long fasfala kol iu storyim information long page 3-4, iu savve storyim datfala sekson “Waswe, God Barava Tingim Iumi?” long page 5 taem iu duim return visit. Storyim hao for duim diswan. Reviewim olketa nara sekson olsem long page 6-8 and 17-18 or eni nara sekson wea fitim territory bilong kongregeson. Duim demonstration long hao for iusim wanfala sekson hia for duim return visit. Readim and storyim wan or tu-thri scripture wea stap long datfala sekson. Pablisa finisim story long wei for showim haosholder which sekson hem laek for storyim long next visit.
15 min: “Conductim Olketa Bible Study wea Muv Ahed—Part 6.”b Duim wanfala foa minute demonstration wea Bible student ask why nao samfala nomoa wea attendim Memorial kaikaim bred and drinkim wine. Conductor praisem hem for kwestin wea hem askem, hem raetem datfala kwestin, and sei tufala bae story abaotem diswan bihaen long study. Bihaen study hem finis, tufala lukim information wea stap long Reasoning buk anda long kwestin “Who is to partake of the bread and the wine?” long page 267-8. Tufala readim tugeta, and student talemaot hem tinghae long kliafala ansa hem kasem for kwestin bilong hem.
Song 8 and prea for finis.
Week Bilong February 28
Song 18
10 min: Announcement bilong kongregeson. Accounts report. Remindim olketa pablisa for givim field service report for February. Followim olketa idea long page 8 (sapos hem fitim territory) for duim demonstration long February 1 Wastaoa and February 8 Awake! Savve duim samfala nara demonstration wea fitim territory.
20 min: “Showimaot Thankiu Long Jehovah for Loving-Kaeness Bilong Hem.”c Talem taem and ples for Memorial and nem bilong speaker and olketa nara samting wea join witim Memorial. Taem iu storyim paragraf 4, wanfala pablisa duim shortfala demonstration for invaetem man long magasin route bilong hem for Memorial. Sapos olketa pablisa no kasem olketa Memorial invitation pepa yet, givimaot bihaen disfala meeting.
15 min: Startim Bible Study Witim Pipol wea Acceptim Niu Brochure. Tok and story witim audience wea service overseer duim. For shortfala taem reviewim demonstration wea kamap long Service Meeting last week wea wanfala pablisa duim wanfala return visit, and showim sekson long brochure wea pablisa talem hem laek for storyim witim haosholder long next visit. Olketa sem pablisa (sapos hem fitim) iusim datfala information for duim demonstration long next return visit. Bihaen pablisa storyim datfala sekson, hem iusim bak kava bilong brochure for askem haosholder sapos hem laek for studyim Bible, and tufala markem taem for pablisa go bak for storyim leson 1 long Kasem brochure. Encouragem evriwan for startim Bible study witim olketa wea acceptim Gohed for Luk Aot! brochure.
Song 33 and prea for finis.
Week Bilong March 7
Song 39
10 min: Announcement bilong kongregeson. Reviewim olketa main point from datfala box “Olketa Reminder for Memorial.”
15 min: Showimaot Hao Iu Kea for Olketa wea Wik. (Acts 20:35) Bihaen introduction wea no winim wan minute, iusim information long July 1, 2004, Wastaoa, page 17-18, paragraf 12-16, for duim wanfala kwestin and ansa part long sem wei wea iumi duim Wastaoa Study. Markem wanfala brata wea fit for readim olketa paragraf. Storyim hao iumi savve iusim disfala information saed long Memorial and spesol tok.
20 min: “Mekem Wei for Offerim Magasin Kamap Important Part Long Ministry.”d Long paragraf 3 and 4, storyim hao kongregeson savve followim disfala information long territory bilong hem. For shortfala taem interviewim wan or tufala pablisa wea savve tumas hao for offerim magasin long bisnis territory, street, pablik ples or enitaem witnessing. Askem olketa for explainim hao olketa offerim magasin long olketa difren part bilong ministry hia. Duim short demonstration or actim moa wanfala experience.
Song 64 and prea for finis.
[Olketa Footnote]
a Iu mas talem introduction insaed wan minute, and duim part olsem kwestin and ansa.
b Iu mas talem introduction insaed wan minute, and duim part olsem kwestin and ansa.
c Iu mas talem introduction insaed wan minute, and duim part olsem kwestin and ansa.
d Iu mas talem introduction insaed wan minute, and duim part olsem kwestin and ansa.