Service Meeting Schedule
Samting for tingim: Kingdom Ministry Bilong Iumi bae markem Service Meeting for each week long taem wea olketa convention gohed. Olketa kongregeson savve mekem olketa change wea fitim from olketa bae attendim “Obeyim God” Distrik Convention long olketa difren taem. Sapos hem fitim, iusim 15 minute long lastfala Service Meeting bifor convention for reviewim olketa kaonsel long April Kingdom Ministry Bilong Iumi wea fitim. Wan or tufala month bihaen convention, markem 15 go kasem 20 minute long Service Meeting (maet iusim need bilong kongregeson part) for reviewim olketa main point bilong convention wea olketa pablisa faendem hem helpem olketa long field ministry. Disfala spesol Service Meeting part bae givim iumi chance for storyim hao iumi iusim wanem iumi lanem long convention and hao hem help for mekem ministry bilong iumi kamap moabeta.
Week Bilong September 12
Song 11
10 min: Announcement bilong kongregeson. Talem samfala Announcement from Kingdom Ministry Bilong Iumi. Iusim olketa idea long page 8 (sapos hem fitim territory bilong kongregeson) for duim demonstration long August 15 Wastaoa and August 22 Awake! Iu savve duim olketa nara demonstration wea fitim territory bilong kongregeson. Wanfala elder duim wanfala demonstration and wanfala young wan duim narawan. Bihaen each demonstration mekhae long samfala gud point abaotem datwan.
20 min: “Iusim Gud Taem Bilong Iu.”a Askem audience for storyim wanem olketa duim for markem taem each day for readim Bible. Encouragem olketa famili and man wanwan for iusim May 2005 Kingdom Ministry Bilong Iumi insert for markem taem for duim olketa spiritual samting.
15 min: “Conductim Olketa Bible Study wea Muv Ahed.”b Story witim audience from information long part 1 and 2 bilong insert. Iu savve lukim tu August 2004 Kingdom Ministry Bilong Iumi, page 1. Why nao hem important for barava prepare gud for each taem wea iu conductim Bible study? Hao nao for prepare gud? Askem audience for storyim hao olketa followim olketa idea long Kingdom Ministry Bilong Iumi. Finis long wei for koment abaotem box wea stap antap long first page bilong insert.
Song 55 and prea.
Week Bilong September 19
Song 74
10 min: Announcement bilong kongregeson. Storyim olketa main point long leta from branch, wea stap long front page bilong disfala Kingdom Ministry Bilong Iumi.
20 min: Wanem Nao Iumi Duim Last Year? Service overseer reviewim service year wea go pas, and storyim olketa gud samting wea evriwan duim long field ministry. Talem praise wea fitim. Storyim wan or tufala samting evriwan need for waka long hem long 2006 service year. Storyim waka wea olketa pioneer duim and praisem olketa for gudfala waka bilong olketa. Storyim olketa gud samting wea kamaot from wei for waka hard for helpem olketa wea inactive.
15 min: “Gohed for Buildimap Narawan.”c Askem audience for storyim olketa gud samting wea olketa kasem from wei wea olketa narawan tingim olketa.
Song 95 and prea.
Week Bilong September 26
Song 64
10 min: Announcement bilong kongregeson. Readim accounts report and eni thankiu leta from branch office for donation. Remindim olketa pablisa for givim field service report for September.
15 min: Need bilong kongregeson.
20 min: Iusim Olketa Magasin for Talemaot Gud Nius. Long October, bae iumi iusim Wastaoa and Awake! long ministry. Long introduction, storyim olketa idea long February 2005 Kingdom Ministry Bilong Iumi, page 8, paragraf 3-6: (1) Offerim Wastaoa and Awake! tugeta. (2) Markem wanfala day each week for duim magasin waka. (3) Markem goal bilong iuseleva for haomas magasin for offerim each month. (4) Iusim evri chance for offerim olketa magasin. (5) Iusim gud olketa old magasin. Storyim hao olketa pablisa savve followim faevfala point hia long territory bilong kongregeson. Iusim olketa idea long page 8 (sapos hem fitim territory bilong kongregeson) for duim demonstration long September 1 Wastaoa and September 8 Awake! Iu savve duim olketa nara demonstration wea fitim territory bilong kongregeson. Storyim olketa nara article insaed magasin wea pipol long territory maet interest long hem, and duim demonstration long wanfala article hia. Bihaen each demonstration, mekhae long samfala gud point bilong datfala demonstration.
Song 1 and prea.
Week Bilong October 3
Song 54
5 min: Announcement bilong kongregeson.
20 min: “Helpem Olketa Narawan for ‘Obey From Heart.’”d Sapos taem hem fitim, askem audience for storyim olketa scripture wea stap.
20 min: Mekem Heart Bilong Jehovah Hapi. (Prov. 27:11) Interviewim tu or thrifala servant bilong Jehovah wea servem hem for staka year. Askem each wan for storyim wan or tufala samting wea helpem hem for gohed obeyim Jehovah. Maet olketa savve storyim wei for waka hard for duim study seleva, evritaem attendim olketa meeting, kaban witim olketa narawan wea loyal, share long field ministry witim full soul, talem prea wea kam from heart, and wei for stap klia long nogud hapitaem. Olketa wanem samting wea testim fasin for obey nao olketa kasem, and hao nao olketa win for deal witim datwan? Wanem blessing nao olketa kasem from olketa obey?
Song 69 and prea.
[Olketa Footnote]
a Iu mas talem introduction insaed wan minute, and duim olsem kwestin and ansa part.
b Iu mas talem introduction insaed wan minute, and duim olsem kwestin and ansa part.
c Iu mas talem introduction insaed wan minute, and duim olsem kwestin and ansa part.
d Iu mas talem introduction insaed wan minute, and duim olsem kwestin and ansa part.