Service Meeting Schedule

Week Bilong December 12

Song 12

10 min: Announcement bilong kongregeson. Talem samfala Announcement from Kingdom Ministry Bilong Iumi. Iusim olketa idea long page 8 (sapos hem fitim territory bilong iu) for duim demonstration long November 15 Wastaoa and November 22 Awake! Iu savve iusim olketa nara idea wea fitim territory bilong kongregeson. Bihaen each demonstration, storyim hao hem isi for iusim wanfala scripture insaed story.

15 min: “Skul wea Helpem Iumi for Followim Wanem Iumi Lanem.” Skul overseer duim disfala tok. Iusim information long insert bilong October 2005 Kingdom Ministry Bilong Iumi.

20 min: “Education wea Mekem Man Kasem Laef.”a Arrange for wan or tufala pablisa storyim gud samting wea olketa kasem from education wea God givim thru long organization bilong hem.

Song 18 and prea.

Week Bilong December 19

Song 69

5 min: Announcement bilong kongregeson. Talem olketa spesol field service arrangement for December 25 and January 1.

15 min: “Showimaot Interest—Long Wei for Change Fitim Narawan.”b Duim demonstration wea showim hao pablisa savve changem story followim toktok bilong haosholder.

25 min: “Waswe, Pikinini Bilong Iu Savve Mekem Important Disison?”c Wanfala elder duim disfala part. Markem wanfala brata wea savve read gud for readim olketa paragraf. Storyim evri scripture. Bihaen iu storyim paragraf 2, storyim experience bilong tufala young wan long paragraf 16-17 and box long page 16-17 long The Watchtower bilong June 15, 1991. Storyim hao kot disaedem difren samting for tufala and why nao olsem. Long end bilong tok, encouragem parents for reviewim datfala full article long The Watchtower and stretawe start for story witim and trainim olketa pikinini bilong olketa abaotem olketa komand long Bible abaotem blood, and for redim olketa for talemaot biliv bilong olketa witim wei for biliv strong. Olketa famili hed shud mek sure each pikinini wea baptaes finis mas garem wanfala Medical Directive card and each pikinini wea no baptaes garem wanfala Identity Card. Enitaem eniwan admit long hospital and doctor laek givim blood transfusion, olketa elder shud askem Hospital Liaison Komiti for help.

Song 26 and prea.

Week Bilong December 26

Song 38

10 min: Announcement bilong kongregeson. Readim accounts report and eni thankiu leta from branch for olketa donation. Remindim olketa pablisa for givim field service report for December. Talemaot literature for iusim long January, and talem wea nao for faendem idea long hao for startim story witim datfala literature.

15 min: Need bilong kongregeson.

20 min: Waswe, Iu Garem Famili Schedule? Reviewim olketa idea long insert bilong May 2005 Kingdom Ministry Bilong Iumi, and askem audience for storyim samting wea olketa duim for followim olketa idea hia and gud samting wea olketa kasem from datwan.

Song 100 and prea.

Week Bilong January 2

Song 70

5 min: Announcement bilong kongregeson.

15 min: “Iusim Olketa Bible Pablikeson Long Wisefala Wei.”d Iusim tu information from September 2002 Kingdom Ministry Bilong Iumi, page 1.

25 min: Givim Pruv for Sapotim Word Bilong God. Story witim audience from Ministry Skul buk, page 256-7. Hao nao iumi savve iusim olketa pruv wea no kam from Bible for helpem pipol lukim hao samting wea Bible talem hem balance? Invaetem audience for koment long olketa kwestin hia: Olketa wanem example saed long universe nao iumi savve iusim wea pruvim wanfala Creator hem stap? (rs pp. 85-6) Hao nao maet iumi savve iusim toktok bilong olketa Bible savveman for helpem olketa narawan lukim hao Bible hem barava Word bilong God? (rs pp. 62-4) Wanem tokpiksa nao iumi savve iusim for helpem nara pipol minim why nao God letem wicked fasin for gohed? (rs p. 429) Olketa wanem experience or example nao iu iusim for helpem olketa narawan luksavve hao hem wise for followim kaonsel long Bible?

Song 23 and prea.

[Olketa Footnote]