Service Meeting Schedule
Week Bilong January 8
Song 45
10 min: Announcement bilong kongregeson. Iusim olketa idea long page 6 or narafala wei for story wea fitim territory bilong iu for duim demonstration long December 15 Watchtower and December Awake! Long wanfala demonstration, showim wanem for talem sapos wanfala haosholder sei “Mi busy.”—Lukim buklet Hao for Startim and Go Ahed for Story Abaotem Bible, pp. 11-12.
15 min: Kasem Gudfala Samting From Wei for Lukluk Long Olketa Scripture Evriday. Tok and story witim audience wea kam from introduction bilong Lukluk Long Olketa Scripture Evriday—2007. Storyim why hem barava important for readim and story abaotem Bible verse and koment bilong each day. Arrange for samfala long kongregeson storyim schedule bilong olketa for duim text and gudfala samting wea olketa kasem from diswan. Finisim part witim short story abaotem yeartext for 2007.
20 min: “Wei wea Kongregeson Organize and Kasem Direction.” Wanfala tok wea kam from page 21-27 bilong Organized to Do Jehovah’s Will buk. Lukim insert.
Song 23 and prea.
Week Bilong January 15
Song 38
10 min: Announcement bilong kongregeson. Chusim samfala announcement from Kingdom Ministry Bilong Iumi.
15 min: Waswe, Eni Samting Mekem Iu Hol Bak? Wanfala elder givim disfala tok wea kam from April 1, 2002, Wastaoa, page 13-15.
20 min: “Mi No Interest.”a Long paragraf 4, askem audience wanem nao pipol long territory wari abaotem. Duim tufala short demonstration wea showimaot wanem for talem taem haosholder sei: “Mi no interest.”—Lukim buklet Hao for Startim and Go Ahed for Story Abaotem Bible, pp. 8-9.
Song 56 and prea.
Week Bilong January 22
Song 34
10 min: Announcement bilong kongregeson. Readim accounts report and thankiu leta for olketa donation. Iusim olketa idea long page 6 or eni nara wei for story wea fitim territory bilong iu for duim demonstration long January 1 Wastaoa and January Awake! Long demonstration, showim hao for duim return visit long wanfala magasin kol.
15 min: Need bilong kongregeson.
20 min: “Hao Kongregeson Buk Study Overseer Showim Interest Long Man Wanwan.”b Kwestin and ansa wea wanfala Kongregeson Buk Study overseer hem duim. Long introduction, explainim hao nao buk study arrangement hem start. (jv 237, par. 4) Arrange firstaem for tu or thrifala pablisa talem hao olketa kasem gud samting from help wea olketa kasem thru long Kongregeson Buk Study.
Song 20 and prea.
Week Bilong January 29
Song 97
10 min: Announcement bilong kongregeson. Remindim olketa pablisa for givim field service report for January. Talem wanem nao literature offer for February, and duim wanfala demonstration long datwan.
20 min: “Waswe, Iu Redi for Taem Bilong Natural Disaster?”c Wanfala elder hem duim diswan. Storyim tu olketa point from November 2005 Kingdom Ministry Bilong Iumi, page 3.
15 min: Sapos Iu Promis for Go Bak, Iu Mas Go Bak. Tok and story witim audience wea kam from September 15, 1999, Wastaoa, page 11. Invaetem audience for talem olketa experience wea showimaot blessing wea olketa kasem from olketa go bak taem olketa promis for duim datwan.
Song 100 and prea.
Week Bilong February 5
Song 1
10 min: Announcement bilong kongregeson.
15 min: Talemaot Hu Nao Iu! Tok and story witim audience. Samfala young wan hol bak for talemaot hao olketa Witness bilong Jehovah bikos olketa tingse olketa nara young wan bae mekfani long olketa. Bat olketa gudfala reason stap why iu shud talemaot hu nao iu. Plande taem, olketa teacher wea savve long biliv bilong iu bae respectim datwan and no forcem iu for tekpart long eni samting wea no fitim. Olketa young wan wea fasin bilong olketa nogud bae hol bak for askem iu for join insaed olketa nogud samting wea olketa duim. Olketa narawan bae minim olketa samting iu disaedem saed long wei wea gele and boy tufala fren, and samting wea skul arrangem saed long sports or eni nara samting wea bae kamap bihaen skul hem finis long aftanun or long olketa weekend. Bae iu no fraet tumas tu for witness long skul or for meetim wanfala wea iutufala sem class taem iu duim preaching waka. (g02 3/22 p. 12) Invaetem samfala pablisa for talem gudfala samting wea olketa kasem taem olketa talemaot hao olketa wanfala Witness bilong Jehovah long skul. Savve arrange firstaem for wan or tufala for redyim koment abaotem diswan.
20 min: “Love—Main Samting for Garem Gudfala Ministry.”d Storyim samfala information insaed long February 1, 2003, Wastaoa, page 23, paragraf 16-17.
Song 81 and prea.
[Olketa Footnote]
a Iu mas talem introduction insaed wan minute, and duim olsem kwestin and ansa part.
b Iu mas talem introduction insaed wan minute, and duim olsem kwestin and ansa part.
c Iu mas talem introduction insaed wan minute, and duim olsem kwestin and ansa part.
d Iu mas talem introduction insaed wan minute, and duim olsem kwestin and ansa part.