Announcement

◼ January: Iusim eni 192 page buk wea olketa printim bifor 1991. Sapos olketa kongregeson no garem olketa buk hia, olketa savve iusim Gohed for Luk Aot! brochure. February: Kam Klos Long Jehovah. Sapos kongregeson no garem disfala buk, olketa savve iusim Revelation​—Its Grand Climax at Hand! March: Iusim Gohed for Luk Aot brochure. April: Offerim olketa Watchtower, Wastaoa, and Awake! Taem iu duim return visit long pipol wea interest, insaed diswan hem olketa wea no kaban witim kongregeson bat kam long Memorial or olketa nara theocratic program, duim best for offerim Kasem brochure.

◼ Circuit overseer bae start for givim niu pablik tok long February and bihaen March 4, bae hem no iusim old aotlaen. Theme bilong diswan hem “Niu World Bilong God​—Hu Nao Bae Fit for Go Insaed?”

◼ Olketa Chinese pablikeson bilong iumi hem long tufala difren stael raeting. Pipol from Hong Kong and Taiwan savve readim oldfala raeting, and nem wea iumi givim for diswan hem “Chinese” (CH). Olketa narafala Chinese pipol readim raeting wea moa simpol wea nem iumi givim hem “Simplified Chinese” (CHS). Hem important for askem wanem raeting nao man laekem nomata hem tok long Cantonese, Mandarin, or narafala Chinese languis. Iu savve lukim datfala buklet Gud Nius for Pipol Bilong Evri Nation, page 7-8 wea showim tufala difren raeting hia. Then iumi savve orderim pablikeson wea olketa savve readim.

◼ Olketa kongregeson shud mekem olketa arrangement wea fitim for celebratem Memorial bilong disfala year wea bae kamap long Monday, April 2, bihaen sun go daon. Tok savve start early, bat wei for pasim raon bred and wine shud start bihaen sun go daon. Askem pipol wea savve for mek sure wanem taem nao sun bae go daon long ples iu stap.

◼ Olketa secretary bilong kongregeson shud mek sure olketa garem pioneer appointment leta (S-202-SP) for each regular pioneer insaed kongregeson. Sapos olketa no garem, olketa shud raet long branch office.