Announcement

◼ April and May: The Watchtower, Wastaoa, and Awake! Taem iu duim return visit long pipol wea interest, insaed diswan hem olketa wea no kaban witim kongregeson bat kam long Memorial or olketa nara theocratic program, duim best for offerim Kasem brochure. June: Offerim buk Lane From Datfala Nambawan Teacher. Sapos pipol sei olketa no garem eni pikinini, showim Hapi Famili buk. July: Iusim eni 32-page brochure hia: Hapi for Stap Long Earth Olawe! Gohed for Luk Aot! and Wanem Nao Happen Long Iumi Taem Iumi Dae?

◼ Start long August olketa convention badge card for 2007 bae kam witim literature bilong kongregeson. Bae kongregeson no need for ask for olketa. Sapos kongregeson needim extra wan olketa savve raetem order long Literature Order Pepa (S-14-SP). Sapos eniwan long kongregeson needim plastic for card, kongregeson mas orderim olketa.

◼ Olketa kongregeson secretary shud evritaem garem inaf Application for Regular Pioneer Service (S-205-SP) and Application for Auxiliary Pioneer Service (S-205b-SP) pepa. Iu savve orderim olketa long Literature Order Pepa (S-14-SP). Evritaem keepim inaf for wan year. Iu mas mek sure olketa regular pioneer application pepa hem stret bifor iu sendem go long branch office.

◼ Hem important for branch office mas evritaem garem stretfala address and telephone namba bilong evri presiding overseer and secretary. Sapos eni change kamap, Kongregeson Service Komiti mas raetem, saenem, and sendem kwiktaem Change Long Address Bilong Presiding Overseer/Change Long Nem Bilong Secretary (S-29-SP) pepa go long branch office.